ယမံၤမ့ၢ် စီၤယိၤရှံယၤလ့, ဒီးယဒိၣ်ထီၣ်လၢ ကညီဘၣ်ကီဘၣ်ခဲ ဒဲက၀ီၤအပူၤ န့ၣ်လီၤ. ယဖျိထီၣ်ကၠိလၢ အူးပၠၣ်နီၣ်ဂံၢ် ၂ တီၤထီကၠိ ၀ံၤ ဖဲ ၂၀၀၃ နံၣ်န့ၣ် ယထီၣ် "ကီၢ်သူလ့ၤကညီဘျၢထံခရံာ်ဖိလံာ်စီဆှံကၠိဒီး ခီလ့ၣ်ကၠိ," ဒီး ဖျိထီၣ်လၢ ၂၀၀၆ အနံၣ်န့ၣ်လီၤ. တနံၣ်ဃီအ၀ဲန့ၣ် ယလဲၤမၤလိကဒီး ယွၤဂ့ၢ်ပီညါ တၢ်မၤလိ (MDiv) လၢနၣ်ကးလဲ ကိၤလၤသူကီၢ်န့ၣ်လီၤ. ဖဲ ၂၀၀၉ နံၣ်န့ၣ် ယဖျိထီၣ်ကၠိ ၀ံၤ ယဟဲက့ၤ သိၣ်လိလ့ၤတၢ်လၢ "တၢ်လူၢ်ကပီၤ ယွၤဂ့ၢ်ပီညါ စ့ၤမ့ၤနရံ" ဖဲချံးသူကျိ သၢနံၣ်န့ၣ်လီၤ. အခဲအံၤ ယအိၣ်လၢ ကီၢ်အီးစထြ့လယၣ် ဒီး ယမၤကစၢ်ယွၤ အတၢ်မၤဒ် တၢ်အိၣ်ဖှိၣ်သရၣ်စၢၤ တဂၤအသိး န့ၣ်လီၤ.
တၢ်ကွဲးလၢပှာ်ယဲၤသန့ အံၤအပူၤတဖၣ် မ့ၢ်ဒၣ်ယနီၣ်ကစၢ်တဂၤ အတၢ်ပာ်ဖှိၣ် တၢ်ဂ့ၢ်တၢ်ကျိၤ လၢအဘၣ်ဃး လံာ်စီဆှံ ဒီးယွၤဂ့ၢ်ပီညါ တဖၣ်န့ၣ်လီၤ. ယနာ်လၢ ကကဲထီၣ်တၢ်မၤစၢၤ လၢ လံာ်စီဆှံကၠိဖိမ့ၢ်ဂ့ၢ်, ကၠိသရၣ်မ့ၢ်ဂ့ၤ, တၢ်အိၣ်ဖှိၣ် သရၣ်မ့ၢ်ဂ့ၤ, ပှၤခရံာ်ဖိ တဂၤလၢ်လၢ် လၢအအဲၣ်ဒိး နၢ်ပၢၢ်အါထီၣ် လံာ်စီဆှံ ဒီးယွၤဂ့ၢ်ပီညါ တဖၣ် မ့ၢ်ဂ့ၤ အဂီၢ် စ့ၢ်ကီးန့ၣ်လီၤ.
တၢ်ဂ့ၢ်လၢနအဲၣ်ဒိးသ့ၣ်ညါ ဒီး မ့တအိၣ်လၢ ပှာ်ယဲၤသန့တဘ့ၣ်အံၤအပူၤ ဘၣ်န့ၣ် နဆဲးကျိးယၤသ့လီၤ. ယကဃုသ့ၣ်ညါ ဒီးကွဲးက့ၤအီၤလၢ ကညီကျိာ် ဒီးထၢနုာ်အီၤလၢ ပှာ်ယဲၤသန့ တဘ့ၣ်အံၤ အပူၤန့ၣ်လီၤ.
ဆဲးကျိးယၤသ့ခီဖျိ ယအံမ့လ်
ဒီး
Facebook
