အဲလ်ဖၤ တၢ်မၤလိန့ၣ် မ့ၢ်ဝဲ တၢ်မၤလိ တခါလၢ ဘၣ်တၢ်ဒုးအိၣ်ထီၣ် အီၤလၢ သရၣ်ဖးဒိၣ် နံးကံၣ်ကဲဘၢၣ် လၢအအိၣ်လၢကီၢ်အဲကလံးလီၤ. တၢ်မၤလိ တခါအံၤ အခဲအံၤ ဘၣ်တၢ်မၤ လိအီၤလၢထံကီၢ်တဘျုးဘ့ၣ်လၢ ဟီၣ်ခိၣ်ဖျၢၣ်အံၤအလိၤ, ဒီးဘၣ်တၢ်မၤလိ အီၤ လၢကျိာ်တဘျုးကျိာ်လီၤ. အခဲအံၤ ပအဲၣ်ဒိးစးထီၣ်တၢ်မၤလိအံၤလၢ ကညီစှီၤကျိာ်စ့ၢ်ကီးလီၤ. တၢ်မၤလိအံၤ မ့ၢ်ဝဲဒၣ်ခီၣ်တဃာ်, ဂံၢ်ခီၣ်ထံး ခရံာ်ဖိအတၢ်စူၢ်တၢ်နာ် တၢ်မၤလိ အဃိ မ့ၢ်တၢ်မၤလိတခါ လၢ ပှၤ ခရံာ်ဖိကိးကလုာ်ဒဲး ကြၢးသ့ၣ်ညါဝဲလီၤ. ပဝဲခရံာ်ဖိအါဒံအါဂၤ, ပကဲထီၣ်ခရံာ်ဖိခီဖျိ တၢ်လီၤစၢၤလီၤသွဲၣ် အဃိ ဂ့ၤလၢပသ့ၣ်ညါက့ၤ ပှၤခရံာ်ဖိ အတၢ်မ့ၢ်တၢ် ဒီးအတၢ်စူၢ်တၢ်နာ် ခီၣ်ထံးခီၣ်ဘိ လီၤ.
တၢ်မၤလိကအိၣ်ဝဲ ၁၃ ခါ လၢအမ့ၢ် -
တၢ်မၤလိ ၁ - တၢ်အိၣ်မူ (တၢ်အိၣ်မူအဂီၢ်အါန့ၢ်ဒံးအဝဲအံၤအိၣ်ဒံးဧါ.)
တၢ်မၤလိ ၂ - ယ့ၣ်ရှူးခရံာ် (ယ့ၣ်ရှူးမ့ၢ်မတဂၤလဲၣ်.)
တၢ်မၤလိ ၃ - တၢ်အုၣ်က့ၤခီၣ်က့ၤ (ဘၣ်မနုၤယ့ၣ်ရှူးဘၣ်သံလဲၣ်.)
တၢ်မၤလိ ၄ - တၢ်စူၢ်တၢ်နာ် (ယအိၣ်ဒီးတၢ်နာ်ကသ့ဒ်လဲၣ်.)
တၢ်မၤလိ ၅ - တၢ်ထုကဖၣ် (ယဘၣ်ဘါထုကဖၣ်ဒ်လဲၣ်, ဒီးဘၣ်မနုၤအဃိလဲၣ်.)
တၢ်မၤလိ ၆ - လံာ်စီဆှံ (ဘၣ်မနုၤပဘၣ်ဖးလံာ်စီဆှံလဲၣ်.)
တၢ်မၤလိ ၇ - ယွၤအတၢ်ပၢတၢ်ဆှၢ (ကစၢ်ယွၤဟံးစုနဲၣ်ကျဲပှၤဒ်လဲၣ်.)
တၢ်မၤလိ ၈ - တၢ်အၢတၢ်သီ (ယကတြီဆၢတၢ်အၢတၢ်သီဒ်လဲၣ်.)
တၢ်မၤလိ ၉ - တၢ်ယါဘျါ (အခဲအံၤကစၢ်ယွၤမၤဘျါတၢ်စ့ၢ်ကီးဧါ.)
တၢ်မၤလိ ၁၀ - တၢ်အိၣ်ဖှိၣ် (တၢ်အိၣ်ဖှိၣ်မ့ၢ်တၢ်မနုၤလဲၣ်.)
တၢ်မၤလိ ၁၁ - သးစီဆှံ (သးစီဆှံမ့ၢ်မတဂၤလဲၣ်.)
တၢ်မၤလိ ၁၂ - သးစီဆှံအတၢ်ဖံးတၢ်မၤ (သးစီဆှံမၤတၢ်မနုၤလဲၣ်.)
တၢ်မၤလိ ၁၃ - တၢ်အိၣ်မူအသီ (ယတၢ်အိၣ်မူလၢအအိၣ်တ့ၢ်တဖၣ်ယကဘၣ်မၤ တၢ်အဂ့ၤကတၢၢ်ဒ်လဲၣ်.)
ပစးထီၣ်တ့ၢ်လံတၢ်မၤလိအံၤလၢမဲာ်သကိး မဲာ် လၢကရၤနံကညီဘျၢထံတၢ်အိၣ်ဖှိၣ်လၢအအိၣ်လၢ ဝ့ၢ်ဘြံးစဘဲ, ကီၢ်အီးစထြ့လယၣ် အပူၤလံ. မဲာ်သကိးမဲာ် တၢ်မၤလိအံၤ ပကဆဲးလဲၤဒံးအီၤ ဒ်အလီၢ်လီၢ် လၢအမ့ၢ်မုၢ်ခီၣ် ထံးနံၤ ဟါခီလီၤ. အခဲအံၤ ပသးအိၣ်စးထီၣ်စ့ၢ် ကီး တၢ်မၤလိတခါအံၤလၢ လီကျိၤလိၤ (Online) ဘၣ်ဆၣ်, ပကစးထီၣ် ဆိအီၤလၢ တၢ်ဆှၢန့ၢ်တၢ်မၤလိအတၢ်ဂ့ၢ် တၢ်ကျိၤတဖၣ်လၢ အံမ့လ် လီၤ. အဃိ, ပှၤလၢအအဲၣ်ဒိးမၤလိ Online တၢ်မၤလိတဖၣ် အစှၤကတၢၢ်ကဘၣ် အိၣ်ဒီးအကစၢ်ဒၣ်ဝဲအအံလ်မ့ ဒီး အလီတဲစိ စိာ်စု လၢအကွၢ် တၢ်ဂီၤမူလၢ YouTube အပူၤသ့လီၤ. တၢ်မၤလိအံၤကမ့ၢ်ဝဲဒၣ် တနွံတနၣ်ရံၣ် အတၢ်မၤလိလီၤ. နမၤလိအီၤ ဖဲနချုးတဘျီဂ့ၤတဘျီဂ့ၤ လၢဒီတနွံညါအတီၢ်ပူၤသ့ဝဲလီၤ.
နမ့ၢ်အဲၣ်ဒိးသိၣ်လိအီၤလၢနတၢ်အိၣ်ဖှိၣ်ပူၤသ့ဝဲစ့ၢ်ကီးလီၤ.
0 Comments