စံၣ်ညီၣ်ကွီၢ်တဖၣ် ဒီးအတၢ်ဟူးတၢ်ဂဲၤ လၢလံာ်ပှၤစံၣ်ညီၣ်ကွီၢ်အပူၤ

စီၤယိၤရှူတချုးသံန့ၣ်, မၢအပှၤဂီၢ်မုၢ် တဖၣ်လၢ ကနာ်ယွၤ ဒီး ဒိကနၣ် အတၢ်သိၣ်တၢ်သီ တဖၣ်န့ၣ်လီၤ. ဘၣ်ဆၣ် အ၀ဲသ့ၣ် တမၤထွဲဒ် စီၤယိၤရှူမၢအီၤ အသိးဘၣ်. စီၤယိၤရှူ သံ၀ံၤ အလီၢ်ခံ "ပှၤမၤ တၢ်လၢ အလိၤလၢ အမဲာ်ဒၣ်၀ဲ န့ၣ် ကိးဂၤ ဒဲးလီၤ" (စံၣ်ညီၣ်ကွီၢ် ၂၁း၂၅). ခိၣ်နၢ်လၢ အစိၤဆၢကတီၢ် ဖဲန့ၣ်တဖၣ် မၤတၢ်ထဲသိးဒီး စီၤမိၤရှ့ ဒီး စီၤယိၤရှူ မၤ၀ဲ အသိး, အ၀ဲသ့ၣ် မ့ၢ် ပှၤဒူပှၤဃိၤ လၢသုးလၢသံၣ် တကပၤ ဒီး မ့ၢ်စံၣ်ညီၣ်ကွီၢ် ဒိၣ်တဖၣ် လၢ အံၣ်စရ့လး အဘူၣ်ဘျီၣ် ပူၤအဃိ, ပကိးအ၀ဲသ့ၣ်လၢ "စံၣ်ညီၣ်ကွီၢ်" န့ၣ်လီၤ. စံၣ်ညီၣ်ကွီၢ် လၢတၢ်သ့ၣ်ညါ အီၤအါတဖၣ် မ့ၢ်၀ဲ, စီၤဧီၤသန့လး, နီၢ်တဘိရၤ (ပိာ်မုၣ်စံၣ်ညီၣ်ကွီၢ် ထဲတဂၤ), စီၤကံးဒဧိၣ်, စီၤယံးဖသၤ, စီၤရှံၣ်ရှိၣ်, စီၤဧ့လံၤ, ဒီး စီၤရှမူၤ အ့လး တဖၣ် န့ၣ်လီၤ. (နီၢ်ရူၤသးစ့ၢ်ကီး အိၣ်မူဖဲ စိၤအခ့အခါ ဖဲန့ၣ် န့ၣ်လီၤ).

မံၤ		လံာ်စီဆှံ အတၢ်ဘၣ်ထွဲ	တၢ်ဟူးတၢ်ဂဲၤတဖၣ်
ကညီကျိာ်	အဲကလံးကျိာ်
စီၤဧီၤသန့လး	Othniel	၃း၇-၁၁	မ့ၢ်လၢပှၤအံၣ်စရ့လးဖိတဖၣ် အတၢ်ဒဲးဘး အဃိ, ကစၢ်ယွၤ စံၣ်ညီၣ်အ၀ဲသ့ၣ် ခီဖျိ ဆါလီၤကွံာ် အ၀ဲသ့ၣ်ဆူ မ့းစပတၤမံ အစီၤပၤ ကူရှၣ်ရံးရှၤသဲၣ် အစုပူၤ န့ၣ်လီၤႋ ဘၣ်ဆၣ် ဖဲ အ၀ဲသ့ၣ် ပီၢ်ယၢ်လီၤက့ၤ အသးဒီး ကိးထီၣ်ယွၤ န့ၣ်, ကစၢ်ယွၤကိးထီၣ် စီၤဧီၤသန့လး လၢကနီၣ် ဟးထီၣ် ကွံာ်ပှၤမ့း စပတၤမံ တဖၣ်လၢ အ၀ဲသ့ၣ် အတၢ်လီၢ်တၢ်ကျဲ န့ၣ်လီၤႋ ၀ံၤအလီၢ်ခံ အ၀ဲစံၣ် ညီၣ် ပှၤဂီၢ်မုၢ် လၢဆူမဲာ်ညါ အနံၣ်လွံၢ်ဆံ အတီၢ်ပူၤ, အခီပညီ မ့ၢ်၀ဲ အ၀ဲသိၣ်လိ ပှၤဂီၢ်မုၢ်လၢ ကအိၣ်မူဒ် ကစၢ်ယွၤ အကလုၢ် အသိးန့ၣ်လီၤႋ
စီၤအ့ဟူာ်	Ehud	၃း၁၂-၃၀	စီၤအ့ဟူာ် ထုးထီၣ်ကွံာ် ပှၤအံၣ်စရ့လးဖိ တဖၣ်လၢ ပှၤမိၤအး ဖိ အစီၤပၤ ဧ့းကလိၣ် အတၢ်ပၢဆူၣ် ပၢစိး အဖီလာ် န့ၣ်လီၤႋ စိၤအ့ဟူာ် သူအစုစ့ၣ် လၢကမၤထွဲဒ် ကစၢ် ယွၤ အတၢ်မၢလီၤ အသိးန့ၣ်လီၤႋ အ၀ဲမၤသံ မိၤအး အစီၤပၤ လၢအစု စ့ၣ်ဖဲ စီၤပၤ တပာ်သူၣ် ပာ်သး အဆၢကတီၢ် န့ၣ်လီၤႋ
စီၤရှးမကၢ်	Shamgar	၃း၃၁	စီၤရှးမကၢ်ကျီသံကွံာ် ပှၤဖလ့ရှသးဖိ ဃုကယၤလၢ နီၣ်ဆဲးဂီၤဖံး န့ၣ်လီၤႋ
နီၢ်ဒဘိရၤ	Deborah	၄း၁-၅း၃၁	ဒ်အံၣ်စရ့လး အစံၣ်ညီၣ်ကွီၢ် တဂၤအသိး, နီၢ်ဒဘိရၤ ဒိးသန့ၤ ထီၣ်အသးလၢ စီၤဘါရး ဒ်သိး ကနီၣ်ထီၣ်ကွံာ် ပှၤကနၤဟၣ်ဖိ တဖၣ် လၢ ကလံၤစိး တကပၤ န့ၣ်လီၤႋ ကစၢ်ယွၤသူ ပိာ်မုၣ် လၢ အသူၣ်ဒူသးဒူ လၢအမ့ၢ် နီၢ်ယဧ့လး လၢ ကမၤ သံ ကနၤဟၣ် အသုးခိၣ် စီၤစံစရၤ အဂီၢ်န့ၣ်လီၤႋ
စီၤကံးဒဧိၣ်	Gideon	၆း၁-၈း၃၅	စီၤကံးဒဧိၣ် ထုးထီၣ်ကွံာ် ပှၤအံၣ်စရ့လးဖိ တဖၣ်လၢ ပှၤမံးဒယၣ်ဖိ တဖၣ် အတၢ်မၤအၢ မၤသီ အဖီလာ်န့ၣ်လီၤႋ
စီၤတိလၤ	Tola	၁၁း၁-၂	စီၤတိလၤ မၤပူၤဖျဲး ပှၤအံၣ်စရ့လးဖိ တဖၣ်လၢ ပှၤလၢ အမၤအၢမၤသီ အ၀ဲသ့ၣ် အစုပူၤ, ၀ံၤ စံၣ်ညီၣ် ပှၤအံၣ်စရ့လးဖိ တဖၣ်လၢ ၂၃ နံၣ် အတီၢ်ပူၤ န့ၣ်လီၤႋ
စီၤယၤအံၢ်	Jair	၁၀း၃-၅	စီၤယၤအံၢ် မ့ၢ်ပှၤထူးပှၤတီၤတဂၤလၢ အစံၣ်ညီၣ် ပှၤ အံၣ်စရ့လးဖိတဖၣ် လၢ ၂၂ နံၣ် အတီၢ်ပူၤ န့ၣ်လီၤႋ
စီၤယံးဖသၤ	Jephthah	၁၀း၆-၁၂း၇	စီၤယံးဖသၤ, လၢအခီၣ်ထံးခီၣ်ဘိ မ့မ့ၢ် ပှၤလၢ အဖှီၣ် အယာ်ဘၣ်ဆၣ် ကဲထီၣ် အံၣ်စရ့လး အစံၣ်ညီၣ်ကွီၢ် လၢ အမၤနၢၤ ပှၤဧၤမိၣ်ဖိ တဖၣ် န့ၣ်လီၤႋ
စီၤအံးဘစၣ်	Ibzan	၁၂း၈-၁၀	စီၤအံးဘစၣ် လၢဘ့ၤသလ့ဃ့ၣ် ကဲထီၣ် စံၣ်ညီၣ် ကွီၢ် လၢအံၣ်စရ့လးအကျါ လၢနွံနံၣ် အတီၢ်ပူၤ န့ၣ်လီၤႋ
စီၤအ့လိၣ်	Elon	၁၂း၁၁-၁၃	ပှၤစဘူလိၣ်ဖိ စီၤအ့လိၣ် စံၣ်ညီၣ် အံၣ်စရ့လး လၢ ၁၀ နံၣ် အတီၢ်ပူၤ န့ၣ်လီၤႋ
စီၤဧၤဘဒိၣ်	Abdon	၁၂း၁၄-၁၅	ပှၤအ့ဖရဲၣ်ဖိ စီၤဧၤဘဒိၣ် စံၣ်ညီၣ် အံၣ်စရ့လး လၢဃိးနံၣ် အတီၢ်ပူၤ န့ၣ်လီၤႋ
စီၤရှံၣ်ရှိၣ်	Samson	၁၃း၁-၁၆း၃၁	စီၤရှံၣ်ရှိၣ် မ့ၢ် စံၣ်ညီၣ်ကွီၢ် လၢ အလီၤဆီ တဂၤ, လၢအမၤပူၤဖျဲး ပှၤအံၣ်စရ့လးဖိ လၢ ပှၤဖလ့ရှသးဖိ တဖၣ် အတၢ်မၤပျံၤမၤဖုး အဖီိလာ် န့ၣ်လီၤႋ အ၀ဲဘၣ် တၢ်သ့ၣ်ညါ အီၤလၢ အမၤ တၢ်လၢ ယွၤအပှၤဂီၢ်မုၢ် အဂီၢ် လၢအသူၣ်ကံၢ်သး လဲ နီၢ်နီၢ် အပူၤန့ၣ်လီၤႋ