တၢ်ဘူၣ်တၢ်ဘါအတၢ်လီၤဖး တၢ်ဂ့ၢ်ကီ (၁ ကရံၣ်သူး ၁း၁၀-၁၃)

 

တၢ်ကတိၤလၢညါ

၁. ဟီၣ်ခိၣ်ထံၣ်ဝဲ “ခရံာ်ဖိအတၢ်ဘူၣ်တၢ်ဘါ” ဒ်အမ့ၢ်တၢ်ဘူၣ်တၢ်ဘါလၢအအိၣ်ဒီး တၢ်လီၤမုၢ်လီၤဖး အါမး

က. ပှၤခဲးသလ့းဖိဒီး ပှၤဖြီၤထဲးစတဲးဖိ အဘၢၣ်စၢၤ

ခ. ပှၤဖြီၤထဲးစတဲးတဘျုးဖုအဘၢၣ်စၢၤ

ဂ. ခရံာ်ဖိကရူၢ်တဖုအပူၤ ပှၤဟံးလံာ်စီဆှံအတၢ်ကွဲးဃံးဃံး (Conservative) ဒီး ပှၤထိၣ်ဃူသးဒီးဟီၣ်ခိၣ် (Liberal) အဘၢၣ်စၢၤ

ဃ. တၢ်အိၣ်ဖှိၣ်ဖိကဒဲကဒဲအဘၢၣ်စၢၤ

၂. တၢ်ဂ့ၢ်ကီဘၣ်ဃးတၢ်ဘူၣ်တၢ်ဘါအတၢ်လီၤဖးအံၤ ပှၤအါဂၤ တဆိကမိၣ်လၢအမ့ၢ်တၢ်ကီတၢ်ခဲဘၣ်

က. ဂုာ်ကျဲးစၢးမၤဂ့ၤထီၣ် အတၢ်ဘူၣ်တၢ်ဘါအကရူၢ် ဒီး အတၢ်စူၢ်တၢ်နာ်

ခ. ဆိကမိၣ်ဝဲလၢ တၢ်လီၤဆီတဖၣ်တမ့ၢ်တၢ်လၢအရ့ဒိၣ်ဘၣ်, မ့မ့ၢ်တခီညီနုၢ်စံးဝဲလၢ တၢ်လီၤဖးန့ၣ်ကဘၣ် ကဲထီၣ်အသးလီၤ.

- ဘၣ်ဆၣ်, တၢ်အိၣ်ဖှိၣ်လၢအခီၣ်ထံးခီၣ်ဘိအပူၤ, “တၢ်ဘူၣ်တၢ်ဘါအတၢ်လီၤဖးတၢ်ဂ့ၢ်ကီ” န့ၣ် ပှၤတပာ်အီၤ ဖှံဖှံညီညီဖိဘၣ်. ပမ့ၢ်အိးထီၣ် ပလံာ်စီဆှံ ၁ ကရံၣ်သူး ၁း၁၀-၁၃ န့ၣ် ပကထံၣ်ဘၣ်လၢ ...

၁. တၢ်ဂ့ၢ်ကီအံၤ မ့ၢ်တၢ်လီၤပျံၤအလီၢ်ဖးဒိၣ်

က. လၢစီၤပီလူးအတၢ်ကတိၤတဖၣ်အပူၤ  

၁. ကဲထီၣ်တၢ်ဂ့ၢ်လၢ စီၤပီလူးကဘၣ်ဃ့ကညးဝဲ (“ပဃ့ကညးသု...) - ၁ ကရံၣ် ၁း၁၀

၂. ဃ့တၢ်ဆူခရံာ်အတၢ်စိတၢ်ကမီၤအအိၣ် - ၁ ကရံၣ် ၁း၁၀

၃. လၢတၢ်ဂ့ၢ်လိာ်ဘှီလိာ်လၢအဒုးကဲထီၣ်တၢ်လီၤမုၢ်လီၤဖးအဂီၢ် - ၁ ကရံၣ် ၁း၁၁

၄. လၢတၢ်လီၤမုၢ်လီၤဖးအဃိတၢ်ကဲထီၣ်က့ၤအသးလၢလီၢ်ခံအဂီၢ် - ၁ ကရံၣ် ၁း၁၂-၁၃

က. ခရံာ်အနီၢ်ခိလီၤဖး

ခ. အတၢ်ဟ့ၣ်လၤကပီၤပှၤကညီအါန့ၢ်ကစၢ်ခရံာ်

၅. တၢ်လီၤမုၢ်လီၤဖးန့ၣ်ပာ်ဖျါထီၣ်လၢအမ့ၢ်တၢ်အဲၣ်လီၤသး ဒီး နီၢ်သးအတၢ်တဒိၣ် တုာ်ခိၣ်ပှဲၤ ဘၣ်. ၁ ကရံၣ် ၃း၁-၄

-- စီၤပီလူးဟံးန့ၢ်တၢ်ဂ့ၢ်ကီအံၤလီၤတံၢ်လီၤဆဲးလီၤ.

ခ. လၢခရံာ်အတၢ်ကတိၤဒီးအတၢ်ဖံးတၢ်မၤတဖၣ်အပူၤ

၁. ယ့ၣ်ရှူးဘါထုကဖၣ်လၢတၢ်ဃူတၢ်ဖိးလၢပှၤလၢအနာ်အီၤတဖၣ်အဂီၢ် - ယိၤဟၣ် ၁၇း၂၀-၂၁

က. တၢ်ဃူတၢ်ဖိးဒ် ပၢ်ဒီးဖိခွါ အသိး - ယိၤဟၣ် ၁၇း၂၁ (ခ), ၂၂ (ခ)

ခ. တၢ်မၤသကိးတၢ်လၢတၢ်ဃူတၢ်ဖိးအပူၤဒ်ပၢ်ဒီးဖိခွါအသိး - ယိၤဟၣ် ၁၇း၂၁ (ဂ), ၂၃ (က)

၂. လၢတၢ်ဂ့ၢ်ခံမံၤ လၢယ့ၣ်ရှူးဃ့ဘါထုကဖၣ်လၢတၢ်ဃူတၢ်ဖိးလၢပှၤနာ်တၢ်ဖိတဖၣ်အဂီၢ်

က. “ဒ်သိးဟီၣ်ခိၣ်ကစူၢ်က့ၤနာ်က့ၤလၢနမၢလီၤယၤ” - ယိၤဟၣ် ၁၇း၂၁

ခ. “ဒ်သိးဟီၣ်ခိၣ်ကသ့ၣ်ညါလၢနမၢလီၤယၤ, ဒီးနအဲၣ်အီၤဒ်နအဲၣ်ယၤအသိး” - ယိၤဟၣ် ၁၇း၂၃

၃. အဝဲဟ့ၣ်လီၤဒၣ်လဲာ်တၢ်လၤကပီၤလၢယွၤဟ့ၣ်လီၤ ဒ်သိးတၢ်ဃူတၢ်ဖိးကအိၣ်ထီၣ်အဂီၢ် - ယိၤဟၣ် ၁၇း၂၂

၄. အဝဲသံဝဲဒ်သိး ကဟဲစိာ်တၢ်ဃူတၢ်ဖိးဆူ ပှၤယူဒၤဖိဒီး ပှၤဟ့းလ့ၣ်ဖိအဘၢၣ်စၢၤ - အ့းဖ့းစူး ၂း၁၃-၁၆

-- ကစၢ်ယ့ၣ်ရှူးခရံာ်ဘါထုကဖၣ်ဒီး သံလၢတၢ်ဃူတၢ်ဖိးအဂီၢ် ... တၢ်ဘူၣ်တၢ်ဘါအတၢ်လီၤ မုၢ်လီၤဖးန့ၣ် ဟံးဝဲလီၤတံၢ်လီၤဆဲးလီၤ.

- အဃိ, ပဝဲလၢပတဲလီၤပသးလၢခရံာ်ဖိခဲအံၤတဖၣ် ဘၣ်မနုၤပဟံးန့ၢ် “တၢ်ဘူတၢ်ဘါအတၢ်လီၤဖး တၢ်ဂ့ၢ်ကီ အံၤ” ဖှံဖှံညီညီလဲၣ်. ပမ့ၢ်ဟံးန့ၢ် စီၤပီလူး ဒီးကစၢ်ယ့ၣ်ရှူးခရံာ် အတၢ်ကတိၤလီၤတံၢ်လီၤဆဲးန့ၣ်, ပကဘၣ်မၤအီၤ ဒ်လဲၣ်. လၢလံာ်စီဆှံတဆၢအံၤအဖီခိၣ် ပကထံၣ်...)

၂. တၢ်ဘှါက့ၤတၢ်ဂ့ၢ်ကီ

က. ကတိၤတၢ်တမံၤဃီ

၁. လၢလံာ်စီဆှံအံၤအပူၤ စီၤပီလူးမုာ်လၤလၢ - ၁ ကရံၣ် ၁း၁၀

က. မ့ၢ်သပှၢ်ကတၢၢ်, ပကတိၤတၢ်န့ၣ်ညီန့ၢ်ဒံးပမၤအီၤဒံး

ခ. ဘၣ်ဆၣ် တၢ်အံၤကဘၣ်မ့ၢ်ပဖီတၢၣ်လၢပကဘၣ်ဂုာ်ကျဲးစၢးမၤန့ၢ်အီၤ

၂. ဖီတၢၣ်အံၤလၢထီၣ်ပှဲၤထီၣ်ဝဲသ့ ဖဲပမၤဒ်စီၤပ့းတရူးတဲဝဲအသိး - ၁ ပ့းတရူး ၄း၁၁

က. “ပှၤတဂၤဂၤမ့ၢ်ကတိၤတၢ်ဒီး, မ်အကတိၤတၢ်ဒ်ယွၤအကလုၢ်အသိး”

ခ. ပှၤလၢအသိၣ်လိတၢ် မ့တမ့ၢ် စံၣ်တဲၤတဲလီၤတၢ် မ်ကတဲဒ်ယွၤအကလုၢ် ကထါ အသိး

ဂ. ပှၤအါဂၤသိၣ်လိ ဒီး စံၣ်တဲၤတဲလီၤ အကစၢ်ဒၣ်ဝဲ အတၢ်ထံၣ်, အါန့ၢ်ဒံး ကစၢ်ယွၤ အကလုၢ်ကထါဒံး

            --“ကတိၤဒ်လံာ်စီဆှံကတိၤအသိး, ဒီး အိၣ်ဘှီၣ်ဒ်လံာ်စီဆှံအိၣ်ဘှီၣ်ဝဲအသိး”

ခ. ဆိကမိၣ်တၢ်တမံၤဃီ

၁. လၢလံာ်စီဆှံအံၤအပူၤ စီၤပီလူးမုာ်လၤလၢ - ၁ ကရံၣ် ၁း၁၀

က. ပှၤလၢအအိၣ်ဒိး တၢ်ဆိကမိၣ်တမံၤဃီ ကကတိၤတၢ်တမံၤဃီသ့ဝဲ

ခ. ဂုာ်ကျဲးစၢးလၢကအိၣ်ဒီးတၢ်ဆိကမိၣ်တမံၤဃီ, ကမၤစၢၤပှၤလၢပကကတိၤတၢ် တမံၤဃီကသ့ဝဲအဂီၢ်

၂. “တၢ်ဆိကမိၣ်တမံၤဃီ” လၢကဘၣ်အိၣ်ဒီးပှၤန့ၣ်မ့ၢ် “ခရံာ်အတၢ်ဆိကမိၣ်” ဖံလံးပံၤ ၂း၁-၅

က. ဒုးအိၣ်ထီၣ် တၢ်သဆၣ်ထီၣ်လိာ်သးကဒဲကဒဲ, တၢ်အမုာ်ဘၣ်ဃးဒီးတၢ်အဲၣ်တၢ်ကွံ, သးအတၢ်ရ့လိာ်, တၢ်သးအိၣ်တၢ် ဒီး တၢ်သးကညီၤတၢ်

ခ. လိၣ်ဘၣ် တၢ်ဆီၣ်လီၤသး, တၢ်ကွၢ်ဆိတၢ်လၢပှၤဂၤအဂီၢ်, မၤဆိတၢ်လၢပှၤဂၤအဂီၢ်

--ဒ်ပဒိၣ်ထီၣ်လၢကစၢ်ခရံာ်အတၢ်ဆိကမိၣ်အသိးန့ၣ်, ပတၢ်ဆိကမိၣ်တဖၣ်ကမ့ၢ်တၢ်တမံၤဃီစ့ၢ်ကီး လီၤ.

ဂ. အိၣ်ဒီးတၢ်ကူၣ်ထီၣ်ဖးလီၤတၢ်တမံၤဃီ

၁. ဒ်အအိၣ်ဖျါလၢလံာ်စီဆှံတဆၢအံၤအသိး ၁ ကရံၣ် ၁း၁၀

က. ပမ့ၢ်အိၣ်ဒီး တၢ်သ့ၣ်ညါတမံၤဃီန့ၣ်, ပတၢ်ကူၣ်ထီၣ်ဖးလီၤကလဲၤအသးဒ်သိးသိး လီၤ.

ခ. ကဆှၢပှၤဆူတၢ်စံးဆၢဒ်သိးသိးလၢတၢ်ဂ့ၢ်အါမံၤအဂီၢ်

၂. တၢ်ဘူၣ်တၢ်ဘါအတၢ်လီၤမုၢ်လီၤဖးန့ၣ် ကဲထီၣ်အသးခီဖျိ တၢ်စိတၢ်မီၤလၢအလီၤ ဆီလိာ် အသးအဃိ

က. ပှၤအါဂၤကွၢ်တၢ်လၢ ပှၤအါဂၤအတၢ်ပၢတၢ်ဆှၢ, တၢ်လီၤစၢၤလီၤသွဲၣ်, နီၢ်တဂၤ အတၢ်တူၢ်ဘၣ် တဖၣ်အဃိ

ခ. ပှၤခရံာ်ဖိလၢလံာ်စီဆှံအသီအပူၤတဖၣ် မုၢ်လၢ်လၢ ကမၤတၢ်ဒ် တၢ်မၢဖိတဖၣ် အတၢ်သိၣ်လိသီလိအသိး, ဒ်ဘၣ်တၢ်သိၣ်လိအီၤလၢ တၢ်အိၣ်ဖှိၣ်ကိးဖုဒဲးအပူၤအသိး - မၤတၢ် ၂း၄၂, ၁ ကရံၣ် ၄း၁၇, ၁၄း၃၇, တံ ၃း၁၅

--ဘၣ်ဆၣ် ပှၤအါဂၤတဟံးန့ၢ်တၢ်စံးဆၢဒ် ကစၢ်ခရံာ်အတၢ်ဆိကမိၣ်အသိးလၢဘၣ်တၢ်ပာ်ဖျါထီၣ်အီၤ လၢ ပှၤတၢ်မၢဖိတဖၣ် ဘၣ်.

တၢ်ကတိၤလၢခံ

၁. တလိၣ်လၢပကမၢကမၣ် ဖဲပှၤအါဂၤတ ...

က. ကတိၤတၢ်တမံၤဃီ

ခ. ဆိကမိၣ်တၢ်တမံၤဃီ

ဂ. အိၣ်ဒီး တၢ်ကူၣ်ထီၣ်ဖးလီၤတၢ်တမံၤဃီ

၂. ပကဘၣ်မုၢ်လၢ်လၢ တၢ်တဖၣ်အံၤလိၣ်ဘၣ်

က. တၢ်ဆၢကတီၢ်လၢ ပှၤအါဂၤကဒိၣ်ထီၣ်လၢ ကစၢ်ခရံာ်အတၢ်ဆိကမိၣ်အဂီၢ်

ခ. တၢ်ဝံသးစူၤဒီး တၢ်အဲၣ်တၢ်ကွံ လၢကဟ့ၣ်လိာ်သး တၢ်ဆၢကတီၢ်လၢ ပကဒိၣ်ထီၣ်အဂီၢ်

(ဘၣ်ဆၣ်, ဖဲ “တၢ်ဘူၣ်တၢ်ဘါအတၢ်လီၤဖးတၢ်ဂ့ၢ်ကီ” အိၣ်ထီၣ်န့ၣ်, ပတဘၣ်အိၣ်သဝံစုသဝံခီၣ်ဘၣ်. ဒ် စီၤပီလူး အတၢ်ကတိၤတဖၣ်, ဒီး ကစၢ်ခရံာ်အတၢ်ထုကဖၣ်အသိး, ပကဘၣ်ဂုာ်ကျဲးစၢးလၢ ပကမၤနၢၤအီၤအဂီၢ်တက့ၢ်.)

ကွၢ်တၢ်စံၣ်တဲၤတဲလီၤအလၢအပှဲၤ

(ကွဲးကျိာ်ထံက့ၤ Mark A. Copeland အတၢ်စံၣ်တဲၤတဲလီၤအတကွီၢ်)

မ့ၢ်လိၣ်ဘၣ် PDF တခီ ဟံးန့ၢ်အီၤ ဖဲအံၤ