ခရံာ်တမၢယၤဒ်သိးယကဒိးဘျၢတၢ်ဘၣ် (၁ ကရံၣ်သူး ၁း၁၄-၁၇)

 

တၢ်ကတိၤလၢညါ

၁. ခီဖျိလၢစီၤပီလူးအတၢ်ကတိၤ လၢ ၁ ကရံၣ်သူး အံၤအပူၤအဃိ တၢ်ဂ့ၢ်လိာ်အိၣ်ထီၣ်ဘၣ်ဃး လိၣ်တၢ်ဒိးဘျၢထံ ဧါတလိၣ်ဘၣ်လဲၣ် အဂ့ၢ်အကျိၤလီၤ. - ၁ ကရံၣ်သူး ၁း၁၄-၁၇

က. ကွၢ်စီၤပီလူးအတၢ်ကတိၤ, “အဂ့ၢ်ဒ်အံၤ, ဒ်သိးယကဘျၢတၢ်ဒီး, ခရံာ်တမၢဘၣ်ယၤဘၣ်. မ့ၢ်ဒ်သိး ယကစံၣ် တဲၤတဲလီၤတၢ် သးခုကစီၣ်လီၤ.” - ၁ ကရံၣ်သူး ၁း၁၇

ခ. အဃိ ပှၤတနီၤနီၤ စံးဝဲလၢ တၢ်ဒိးဘျၢထံန့ၣ် အရ့တဒိၣ်လၢတၢ်အုၣ်က့ၤခီၣ်က့ၤအဂီၢ်ဘၣ်.

၂. ဘၣ်ဆၣ်သနာ်က့, ပမ့ၢ်ကွၢ်တၢ်အိၣ်သးလီၤတံၢ်လီၤဆဲးန့ၣ် -

က. အတၢ်စံးတၢ်ကတိၤအတၢ်အိၣ်သးတကီၢ်ခါလၢ ၁ ကရံၣ်သူးအပူၤ - ၁ ကရံၣ်သူး ၁း၁၀-၁၃

ခ. စီၤပီလူးအတၢ်ဖံးတၢ်မၤ အတၢ်အိၣ်အသးလၢတၢ်လီၢ်အဂၤ - မၤတၢ် ၁၈း၁-၁၈

-- ပကထံၣ်ဘၣ်လၢ စီၤပီလူးစံၣ်တဲၤတဲလီၤဘၣ်ဃး တၢ်ဒိးဘျၢထံအဂ့ၢ်, ဒီး တၢ်လၢအတဲဖဲ ၁ ကရံၣ်သူးအပူၤ န့ၣ် ပကဘၣ်ကွၢ်ဒ် တၢ်အိၣ်သးလၢ ဝ့ၢ်ကရံၣ်သူးအပူၤအသိးလီၤ.

(အဃိလၢတၢ်မၤလိအံၤအပူၤ, ပကကွၢ်တၢ်အိၣ်သးလၢကရံၣ်သူးအပူၤ ဘူးဘူး ဘၣ်ဃးစီၤပီလူး အတၢ် စံးတၢ်ကတိၤ အံၤလီၤ.)

၁. စီၤပီလူးတဲဘၣ်ဃးတၢ်အိၣ်သးလၢဝ့ၢ်ကရံၣ်သူးအပူၤ

က. အဝဲသ့ၣ်အတၢ်ပာ်သးဘၣ်ဃးဒီး ပှၤစံၣ်တဲၤတဲလီၤတၢ်တဖၣ်

၁. အဝဲသ့ၣ်လီၤဖး - ၁ ကရံၣ်သူး ၁း၁၀-၁၁

၂. အဝဲသ့ၣ်အတၢ်လီၤဖးအံၤခီဖျိ ပှၤစံၣ်တဲၤတဲလီၤတၢ်တဖၣ်အဃိ - ၁ ကရံၣ်သူး ၁း၁၂

က. အဝဲသ့ၣ်တဲဝဲ, “ယမ့ၢ်ပှၤဘၣ်ဃးဒီးစီၤပီလူး, ယမ့ၢ်ပှၤဘၣ်ဃးဒီးစီၤအပီးလိၤ ...”

ခ. ဒ်စီၤပီလူးတဲက့ၤလၢခံအသိး, အဝဲသ့ၣ်ပာ်ဒိၣ်ပှၤစံၣ်တဲၤတဲလီၤ တၢ်တဖၣ် အါန့ၢ်ဒံး ပာ်ဒိၣ်ခရံာ်ဒံး.

၁. အဝဲသ့ၣ်အတၢ်ပာ်သးန့ၣ်မ့ၢ်ဒၣ်တၢ်ဘၣ်ဃးဒီးတၢ်ဖံးတၢ်ညၣ်

- ၁ ကရံၣ်သူး ၃း၃-၄

၂. ပှၤစံၣ်တဲၤတဲလီၤတၢ်တဖၣ်မ့ၢ်ဒၣ် တၢ်ခ့တၢ်ပှၤတဖၣ်လီၤ. - ၁ ကရံၣ်သူး ၃း၅-၉

၃. အဃိအဝဲသ့ၣ်တဘၣ်ပာ်ကဖၢလၢအသး လၢပှၤကညီအပူၤနီတဂၤဘၣ်.

- ၁ ကရံၣ်သူး ၃း၂၁-၂၃

ခ. လီၤဂာ်ဒ်သိး ဘၣ်ထွဲဒီးပှၤလၢအဒိးဘျၢအဝဲသ့ၣ်လၢထံ ...

၁. ဒ်အဘၣ်တၢ်ပာ်ဖျါထီၣ်အီၤလၢစီၤပီလူးအတၢ်သံကွၢ်အပူၤ - ၁ ကရံၣ်သူး ၁း၁၃

၂. အဒိ, “မ့ၢ်သုဒိးဘျၢသုသးဆူစီၤပီလူးအမံၤအပူၤဧါ.”

၃. ပှၤတနီၤနီၤစံးဝဲလၢ အဝဲသ့ၣ်မ့ၢ်ပှၤလၢအဒိးဘျၢအဝဲသ့ၣ်လၢထံတဖၣ်အပျဲၢ်အဘီၣ်လီၤ.

ဂ. အဃိ, စီၤပီလူးစံးထီၣ်ပတြၢၤယွၤအဘျုးအဖှိၣ်လၢအဝဲဒၣ်ဒိးဘျၢဘၣ်ထဲပှၤစှၤဂၤလီၤ.

၁.အဝဲဒၣ်စံးဘျုးယွၤလၢအဒိးဘျၢဘၣ်ထဲ စီၤကြံစပူၤ, စီၤကါယူး, ဒီး စီၤစတ့းဖနၣ်အဟံၣ်ဖိဃီဖိ တဖၣ် လီၤ.

၂. ဒ်သိးပှၤသုတစံးလၢ ယဘျၢတၢ်လၢယမံၤဒၣ်ယဲအပူၤ - ၁ ကရံၣ်သူး ၁း၁၄-၁၅

(အဃိ, စီၤပီလူးတဲတၢ်ဖဲအံၤဘၣ်ဃးတၢ်အိၣ်သးလၢ ဝ့ၢ်ကရံၣ်သူးအပူၤလီၤ. မ့ၢ်ပဆိကမိၣ်ဒံးလၢ စီၤပီလူး တစံၣ်တဲၤတဲလီၤဘၣ်ဃး တၢ်ဒိးဘျၢထံအဂ့ၢ်ဘၣ်ဧါ. မ့တမ့ၢ်အလီၢ်တအိၣ်ဘၣ်ဧါ. လၢအဂၤတကပၤန့ၣ် ...)

၂. စီၤပီလူးအတၢ်စံၣ်တဲၤတဲလီၤအဃိ ပှၤအါဂၤ ဒိးဘျၢက့ၤထံ 

က. စီၤလူၤကၣ် ကွဲးကဒါက့ၤစီၤပီလူးအတၢ်ဖံးတၢ်မၤလၢ ဝ့ၢ်ကရံၣ်သူးအပူၤဒ်အံၤ...

၁. စီၤပီလူးအတၢ်မၤသကိးတၢ်ဒီး စီၤအကူလၤ ဒီး နီၢ်ပြံစကံးလၤ - မၤတၢ် ၁၈း၁-၃

၂. စီၤပီလူးတဲးလိာ်ဃိလိာ်တၢ်လၢဘူၣ်ဘျီၣ်ပူၤ, အုၣ်အသးလၢယ့ၣ်ရှူးမ့ၢ်ခရံာ်, ဒီးဘၣ်တၢ်ထီဒါအီၤ လၢပှၤယူဒၤဖိ လၢအတနာ်တၢ်တဖၣ် - မၤတၢ် ၁၈း၄-၇

ခ. စီၤလူၤကၣ်ကွဲးကဒါက့ၤ စီၤပီလူးအတၢ်စံၣ်တဲၤတဲလီၤအတၢ်ကဲထီၣ်လိၣ်ထီၣ်

၁. ပှၤဘူၣ်ဘျီၣ်အခိၣ်, စီၤကြံစပူး, ဒီးအဟံၣ်ဖိဃီဖိနာ်က့ၤကစၢ်ယွၤ (ဒီးစီၤပီလူးအကစၢ်ဒၣ်ဝဲ ဒိးဘျၢ အဝဲသ့ၣ် လၢထံ) - မၤတၢ် ၁၈း၈, ၁ ကရံၣ်သူး ၁း၁၄

၂. ပှၤအါဂၤလၢဝ့ၢ်ကရံၣ်သူးအပူၤစ့ၢ်ကီး နာ်က့ၤယွၤဒီးဒိးဘျၢအသးလၢထံ - မၤတၢ် ၁၈း၈

(စီၤပီလူးမ့ၢ်ဒိးဘျၢထဲပှၤစှၤဂၤဧိၤသနာ်က့, ခီဖျိလၢအတၢ်စံၣ်တဲၤတဲလီၤအဃိ ပှၤအါဂၤဒိးဘျၢအသးလၢထံလီၤ. တၢ်ဒိး ဘျၢထံန့ၣ်မ့ၢ်တၢ်အရ့ဒိၣ်အကျါတခါလၢအဝဲဒၣ်အတၢ်စံၣ်တဲၤတဲလီၤအပူၤလီၤ. အဃိ တလိၣ်ပဟံးန့ၢ် စီၤပီလူး အတၢ် ကတိၤလၢ တၢ်အိၣ်ဖှိၣ်လၢဝ့ၢ်ကရံၣ်သူးအပူၤ, ဒီးစံးလၢ တၢ်ဒိးဘျၢထံန့ၣ်အရ့တဒိၣ်ဘၣ်တဂ့ၤ. ဖဲပက့ၤကဒါက့ၤဆူ ၁ ကရံၣ်သူး ၁း၁၃ အပူၤန့ၣ် ပကဘၣ်သ့ၣ်ညါလၢ...)

၃. စီၤပီလူးအတၢ်စံးတၢ်ကတိၤပာ်ဖျါထီၣ်လၢတၢ်ဒိးဘျၢထံန့ၣ်အလီၢ်အိၣ်ဒိၣ်မး

က. ကွၢ်စီၤပီလူးအတၢ်စံးတၢ်ကတိၤလီၤတံၢ်လီၤဆဲး

၁. ပှၤတဂၤဂ့ၤတဂၤဂ့ၤမ့ၢ်စံးလီၤအသးလၢအဘၣ်ဃးဒီးစီၤပီလူး (မ့တမ့ၢ်ပှၤအဂၤတဂၤ) န့ၣ်လိၣ်ဘၣ် တၢ်ခံမံၤ

က. စီၤပီလူးကဘၣ်ဒိးသံအသးလၢထူၣ်စုညါလိၤလၢပှၤတဂၤန့ၣ်အဂီၢ် - ၁ ကရံၣ်သူး ၁း၁၃

ခ. ပှၤတဂၤန့ၣ်ကဘၣ်ဒိးဘျၢအသးလၢစီၤပီလူးအမံၤ - ၁ ကရံၣ်သူး ၁း၁၃

၂. တၢ်တကဲထီၣ်အသးဒ်န့ၣ်ဘၣ်အဃိ, အဝဲသ့ၣ်တဘၣ်ကိးလီၤအသးလၢ အဘၣ်ထွဲဒီး ပှၤကညီဘၣ်. 

            (ဘၣ်ဆၣ် ဆိကမိၣ်စီၤပီလူးအတၢ်စံးတၢ်ကတိၤအခီပညီလၢအဂ့ၤတကပၤဒ်အံၤ)

ခ. ဒ်သိးနကကိးလီၤနသးလၢနဘၣ်ထွဲဒီးခရံာ်န့ၣ်, တၢ်လိၣ်ဝဲဒၣ်ခံမံၤ

၁. ခရံာ်ကဘၣ်ဒိးသံအသးလၢပှၤတဂၤန့ၣ်အဂီၢ် (ကစၢ်ခရံာ်မၤတ့ၢ်ဝဲလံ)

၂. ပှၤတဂၤန့ၣ် ကဘၣ်ဒိးဘျၢအသးလၢခရံာ်အမံၤအပူၤ (ယွၤသၢဂၤတဂၤဃီ)

က. မ့ၢ်နဒိးဘျၢနသးလၢခရံာ်အမံၤအပူၤလံဧါ.

ခ. မ့တမ့ၢ်ဘၣ်တခီ, နကိးလီၤနသးလၢ ပှၤခရံာ်ဖိတသ့ဒံးဘၣ်. 

(ဖဲလံာ်စီဆှံအဆၢအံၤအပူၤ ပှၤအါဂၤစံးဝဲလၢ တၢ်ဒိးဘျၢထံန့ၣ်အလီၢ်တအိၣ်ဘၣ်န့ၣ်, စီၤပီလူးစံးဝဲလၢ နမ့ၢ်တဒိးဘျၢ နသးလၢ ခရံာ်အမံၤဘၣ်န့ၣ် နကိးလီၤနသးလၢ ပှၤခရံာ်ဖိတသ့ဘၣ်.

အဃိ, ပနၢ်ပၢၢ်စီၤပီလူးအတၢ်စံးတၢ်ကတိၤကသ့ဒ်လဲၣ်. (“အဂ့ၢ်ဒ်အံၤ, ဒ်သိးယကဘျၢတၢ်ဒီး, ခရံာ်တမၢဘၣ် ယၤဘၣ်.”) တၢ်စံးဆၢန့ၣ်မ့ၢ်တၢ်ညီညီဖိလီၤ...)

၄. စီၤပီလူးအမူအဒါန့ၣ်မ့ၢ်ပှၤတၢ်မၢဖိ

က. စီၤပီလူးဘၣ်တၢ်ဆှၢအီၤလၢကစံၣ်တဲၤတဲလီၤတၢ်အဂီၢ်, တမ့ၢ်လၢကဒိးဘျၢတၢ်အဂီၢ်ဘၣ်

၁. ဒ်ပှၤတၢ်မၢဖိတဂၤအသိး (အခီပညီ ပှၤလၢဘၣ်တၢ်ဆှၢအီၤ), စီၤပီလူးအမူအဒါန့ၣ် မ့ၢ်တၢ်တဲတၢ်သး ခု ကစီၣ်

က. ဒ်အဘၣ်တၢ်ပာ်ဖျါထီၣ်အီၤလၢအ့းဖ့းစူးအပူၤအသိး, အဝဲဒၣ်ဘၣ်တၢ်ဟ့ၣ်လီၤအီၤမူဒါလၢ  ကစံၣ်တဲၤတဲလီၤ “ခရံာ်အတၢ်ထူးတၢ်တီၤလၢပသ့ၣ်ညါထီၣ်တသ့ဘၣ်” - အ့းဖ့းစူး ၃း၈

ခ. မၤဝဲခီဖျိခရံာ်လီၣ်ဖျါထီၣ်န့ၢ်အီၤအဃိ - ကလၤတံ ၁း၁၁-၁၂

၂. ခီဖျိအတၢ်စံၣ်တဲၤတဲလီၤအဃိ ပှၤအါဂၤဒိးဘျၢက့ၤထံ (မၤတၢ် ၁၈း၈), ဘၣ်ဆၣ် တမ့ၢ်ဘၣ် အဝဲဒၣ် ဒိးဘျၢတၢ် ဘၣ်

က. ပှၤအဂၤမၤဝဲသ့ (ပှၤလၢအလဲၤသကိးတၢ်ဒီးစီၤပီလူးသ့ၣ်တဖၣ်)

ခ. ဒ်အကဲထီၣ်အသးလၢတၢ်အိၣ်ဖှိၣ်လၢကရံၣ်သူးအပူၤအသိး, ပှၤအါဂၤဒိးဘျၢအသးလၢထံ, ဘၣ်ဆၣ် စီၤပီလူး ဒိးဘျၢထဲဒၣ်ပှၤစှၤဂၤဧိၤလီၤ.

ခ. စီၤပီလူးကတိၤတၢ်ကတိၤယိယိဒ်ပှၤညီနုၢ်ကတိၤအီၤအသိး

၁. ကစၢ်ယ့ၣ်ရှူးခရံာ်အတၢ်ကတိၤ လၢ ယိၤဟၣ် ၆း၂၇ အပူၤ

က. “တၢ်အီၣ်လၢအဟးဂီၤဒၣ်တၢ်အဂီၢ်န့ၣ်, သုတမၤတဂ့ၤ.”

ခ. “မ့မ့ၢ်တၢ်အီၣ်လၢအအိၣ်ဝဲဆိးဝဲလၢတၢ်မူလီၤထူလီၤယိာ်န့ၣ်, မၤတက့ၢ်.”

ဂ. တမ့ၢ်လၢကစၢ်ခရံာ်တဲဝဲလၢ ပှၤတဘၣ်မၤတၢ်ဘၣ်န့ၣ်ဘၣ်. မ့မ့ၢ်တခီ ကစၢ်ခရံာ်ကွၢ်တၢ်လၢ တၢ်ဃုန့ၢ် နီၢ်သး အတၢ်အီၣ်န့ၣ် အရ့ဒိၣ်န့ၢ်ဒံး နီၢ်ခိအတၢ်အီၣ်ဒံး.

၂. ဒ်န့ၣ်အသိးစီၤပီလူးစံးစ့ၢ်ကီးဝဲ - ၁ ကရံၣ်သူး ၁း၁၇

က. “ဒ်သိးယကဘျၢတၢ်ဒီး, ခရံာ်တမၢဘၣ်ယၤဘၣ်”

ခ. “မ့ၢ်ဒ်သိးယကစံၣ်တဲၤတဲလီၤတၢ်သးခုကစီၣ်လီၤ.”

ဂ. စီၤပီလူးတစံးလၢ အဝဲတဒိးဘျၢတၢ်ဘၣ်န့ၣ်ဘၣ်, မ့မ့ၢ်တခီ အမူအဒါဒ်ပှၤတၢ်မၢဖိတဂၤ အသိး တၢ်အရ့ဒိၣ်ကတၢၢ်န့ၣ် မ့ၢ်တၢ်စံၣ်တဲၤတဲလီၤတၢ်သးခုကစီၣ်လီၤ.”

ဂ. ပှၤအဂၤတဖၣ်နၢ်ပၢၢ်စီၤပီလူးဒ်လဲၣ်

၁. “တၢ်ဒိးဘျၢထံန့ၣ်တမ့ၢ်ယတၢ်ဖံးတၢ်မၤဘၣ်. တၢ်ဒိးဘျၢထံန့ၣ်တမ့ၢ်တၢ်လၢအကဘၣ်မၤဝဲဘၣ်. ဒ်ပှၤတၢ်မၢဖိ အဂၤတဖၣ်အသိး အဝဲမၤဝဲသ့, ဒီးမၤဝဲတဘျီတခီၣ်လီၤ.” Barnes

၂. “တဘၣ်ဒိးဘျၢတၢ်အါအါဘၣ်. တၢ်ကတိၤ “ဆှၢ” ပၣ်ဃုာ် ဒီးအခီပညီလၢ “ဒုးကဲထီၣ်ယၤလၢ ပှၤတၢ်မၢဖိ.” ပှၤတၢ်မၢဖိအတၢ်ဖံးတၢ်မၤအဒိၣ်ကတၢၢ်န့ၣ် မ့ၢ် “ကဘၣ်အုၣ်အသးလီၤ.” Farrar

၃. “တၢ်ဒိးဘျၢထံန့ၣ် တမ့ၢ်အတၢ်မၤအခိၣ်ကျၢၢ်ဘၣ်, တမ့ၢ်စီၤပီလူးအတၢ်မၤအဒိၣ်ကတၢၢ် ဒ်ပှၤ တၢ်မၢဖိ တဂၤ အသိးဘၣ်, မ့ၢ်အတၢ်မၤအကျါတခါလီၤ. မ့တမ့ၢ်ဘၣ်တခီ အဝဲဒၣ်တဒိးဘျၢ စီၤကြံစပူၤ, စီၤကါယူး, ဒီး စီၤစတ့းဖနၣ် အဟံၣ်ဖိဃီဖိဘၣ်. ဘၣ်ဆၣ်, တၢ်စံၣ်တဲၤတဲလီၤ မ့ၢ်အတၢ် မၤအဒိၣ်ကတၢၢ်လီၤ. Poole

တၢ်ကတိၤလၢခံ

၁. ဖဲပဆိကမိၣ်တၢ်ဂ့ၢ်တၢ်ကျိၤတဖၣ်လၢအဘၣ်ဃးဒီးတၢ်အိၣ်ဖှိၣ်လၢကရံၣ်သူးအပူၤန့ၣ်, ပမၤလိန့ၢ်တၢ်လၢ...

က. ပှၤအါဂၤဒိးဘျၢက့ၤထံလၢစီၤပီလူးအတၢ်စံၣ်တဲၤတဲလီၤအဃိ - မၤတၢ် ၁၈း၈

ခ. စီၤပီလူးသးခုလၢအဝဲဒၣ်အနီၢ်ကစၢ်ဒၣ်ဝဲဒိးဘျၢဒၣ်ထဲပှၤစှၤဂၤ, မ့ၢ်လၢတၢ်ကီတၢ်ခဲကဲထီၣ်အသးလၢ ဝ့ၢ်ကရံၣ်သူးအပူၤအဃိ - ၁ ကရံၣ်သူး ၁း၁၄-၁၅

၂. လၢလံာ်စီဆှံတဆၢအံၤအပူၤ ပှၤအါဂၤစံးဝဲလၢ တၢ်ဒိးဘျၢထံန့ၣ်အရ့တဒိၣ်ဘၣ်...

က. စီၤပီလူးကွၢ်တၢ်လၢအတၢ်ဖံးတၢ်မၤဒ်ပှၤတၢ်မၢဖိတဂၤအသိး - ၁ ကရံၣ်သူး ၁း၁၇

ခ. စီၤပီလူးအတၢ်စံးတၢ်ကတိၤတဖၣ်ပာ်ဖျါထီၣ်တၢ်ဒိးဘျၢထံမ့ၢ်တၢ်လၢအလီၢ်အိၣ် (နမ့ၢ်ကိးလီၤနသးလၢ နဘၣ်ထွဲဒီးခရံာ်န့ၣ်, နကဘၣ်ဒိးဘျၢနသးလၢခရံာ်အမံၤအပူၤ) –

၁ ကရံၣ်သူး ၁း၁၃

နကိးလီၤနသးလၢပှၤခရံာ်ဖိသ့လံဧါ. မ့ၢ်သပှၢ်ကတၢၢ်, ယ့ၣ်ရှူးခရံာ်ဒိးသံအသးလၢနဂီၢ်လီၤ, ဘၣ်ဆၣ် မ့ၢ်နဒိးဘျၢ နသးလၢခရံာ်အမံၤအပူၤလံဧါ.

မ့ၢ်အဲၣ်ဒိး PDF ဟံးန့ၢ်အီၤဖဲအံၤ