ယွၤအတၢ်ကူၣ်သ့လၢအအိၣ်ခူသူၣ် (၁ ကရံၣ်သူး ၂း၆-၁၆)

 တၢ်ကတိၤလၢညါ

၁. လၢ ၁ ကရံၣ်သူး ၁း၁၈-၃၁ အပူၤ စီၤပီလူးကွဲးဘၣ်ဃးဒီး တၢ်နာ်ပှၤကညီအတၢ်ကူၣ်သ့ မ့ၢ် တၢ်သးတဆး အတၢ်မၤ ...

က. မ့ၢ်လၢကစၢ်ယွၤဃုထၢ ဒုးကဲထီၣ် တၢ်တဂိာ်တသီၣ်ဆူ ပှၤကူၣ်တၢ်သ့အတၢ်ကူၣ်သ့

ခ. ဒီးကစၢ်ယွၤဃုထၢ အုၣ်က့ၤခီၣ်က့ၤ ပှၤကညီခီဖျိ တၢ်ကစီၣ်လၢ ဖျါလီၤဂာ်တၢ် တဂိာ် တသီၣ်လၢပှၤအါဂၤ အဂီၢ်

၂. လၢ ၁ ကရံၣ်သူး ၂း၁-၅ အပူၤ စီၤပီလူး တဲပၠး ဘၣ်ဃး အတၢ်စံၣ်တဲၤတဲလီၤ အန့ဆၢၣ် ဖဲအဝဲ ဒၣ်ဟဲဆူ ကရံၣ်သူး အဆၢကတီၢ် ...

က. တမ့ၢ်ဒ် တၢ်ကတိၤဂ့ၤဒီး တၢ်ကူၣ်သ့အသိးန့ၣ်ဘၣ်

ခ. ကတိၤတၢ်ထဲယ့ၣ်ရှူးခရံာ်အဂ့ၢ် ဒီး အတၢ်တူၢ်သံအသးလၢထူၣ်စုညါလိၤအဂ့ၢ်

ဂ. အဝဲသ့ၣ်အတၢ်နာ်ကအိၣ်လၢ ယွၤအစိအကမီၤအပူၤ, ဒီးတမ့ၢ်ဘၣ် ပှၤကညီ အတၢ် ကူၣ်သ့အပူၤဘၣ်

၃. ဘၣ်ဆၣ် တမ့ၢ်လၢ စီၤပီလူးတအိၣ်ဒီး တၢ်ကူၣ်သ့လၢ အကဟ့ၣ်ဝဲအဂီၢ်ဘၣ်, မ့မ့ၢ်တခီ အဝဲဒၣ် ဟ့ၣ်ဝဲ ...

က. တၢ်ကူၣ်သ့လၢအဒိၣ်တူာ်ခိၣ်ပှဲၤ - ၁ ကရံၣ်သူး ၂း၆

ခ. တၢ်ကူၣ်သ့လၢ အအိၣ်ခူသူၣ် - ၁ ကရံၣ်သူး ၂း၇

(တၢ်ကူၣ်သ့အံၤအန့ဆၢၣ်, ဒီးတၢ်ကသ့ၣ်ညါအီၤဒ်လဲၣ်အံၤ ဘၣ်တၢ်ပာ်ဖျါထီၣ်အီၤလၢ တနံၤအံၤအလံာ်စီဆှံ အဆၢအပူၤ ၁ ကရံၣ်သူး ၂း၆-၁၆ န့ၣ်လီၤ. အခီၣ်ထံးကတၢၢ် “ယွၤအတၢ်ကူၣ်သ့လၢအအိၣ်ခူသူၣ်” န့ၣ်မ့ၢ်ဝဲ ...)

၁. လၢအပူၤကွံာ်ပှၤကညီတသ့ၣ်ညါအီၤဘၣ်

က. တမ့ၢ်ဟီၣ်ခိၣ်အတၢ်ကူၣ်သ့ဘၣ်

၁. တၢ်ကူၣ်သ့လၢ ဟီၣ်ခိၣ်အပဒိၣ်ပပှၢ်တဖၣ် တသ့ၣ်ညါဝဲဘၣ် - ၁ ကရံၣ်သူး ၂း၆

၂. မ့ၢ်သ့ၣ်ညါန့ၣ်တမၤသံဘၣ်ယ့ၣ်ရှူးလၢထူၣ်စုညါလိၤဘၣ် - ၁ ကရံၣ်သူး ၂း၈

-- ဒုးသ့ၣ်ညါအါထီၣ်ဘၣ်မနုၤအဃိ ပပာ်လီၤပတၢ်နာ်လၢ ပှၤကညီ အတၢ်ကူၣ်သ့ တသ့ဘၣ်လဲၣ်

ခ. မ့ၢ်တၢ်လီၤကမၢကမၣ်, လၢအအိၣ်ခူသူၣ်လၢပှၤကညီအမဲာ်ညါ

၁. ဒ်ကစၢ်ယွၤစံၣ်ညီၣ်ပာ်ဝဲလၢ အတချုးတ့ဒံးဘၣ်ဟီၣ်ခိၣ် - ၁ ကရံၣ်သူး ၂း၇

၂. လၢအမၤဝဲလၢ “ပလၤကပီၤအဂီၢ်” (လၢပှၤလၢအတူၢ်လိာ်အီၤအဂီၢ်) - ၂ သ့းစၤလနံ ၁း၁၀

၃. လၢအဘၣ်ဃးဒီးတၢ်လၢ ပှၤကညီထံၣ်သ့ၣ်ညါအီၤ လၢအကစၢ်ဒၣ်ဝဲတသ့ဘၣ် -

၁ ကရံၣ်သူး ၂း၉

က. ထံၣ်အီၤတသ့ဘၣ်, ဒီးနၢ်ဟူအီၤတသ့ဘၣ်

ခ. တဟဲနုာ်လၢပှၤကညီအသးဘၣ်

-- ပှၤကညီအကစၢ်ဒၣ်ဝဲ သ့ၣ်ညါ တၢ်လၢကစၢ်ယွၤအဲၣ်ဒိးလၢပကသ့ၣ်ညါခဲလၢာ် တသ့ဘၣ်.

(အဃိ စီၤပီလူး စံးဝဲလၢ တၢ်ကူၣ်သ့လၢအဒိၣ်တူာ်ခိၣ်ပှဲၤ လၢအဟဲလၢယွၤအအိၣ် လၢအအိၣ်ခူသူၣ်လၢ ပှၤကညီ အမဲာ်န့ၣ်အိၣ်ဝဲလီၤ. သနာ်က့, အခဲအံၤ “ကစၢ်ယွၤအတၢ်ကူၣ်သ့လၢအအိၣ်ခူသူၣ်” အံၤ လီၣ်ဖျါထီၣ်အသး လွံၢ်ပတီၢ် ဒ်လာ်အံၤအသိးလီၤ.)

၂. လီၣ်ဖျါထီၣ်အသးခီဖျိ ပှၤလၢ သးစီဆှံဆှၢအီၤ

က. ကစၢ်ယွၤကတဲာ်ကတီၤတ့ၢ်အီၤ

၁. တၢ်လၢ မဲာ်တထံၣ်ဘၣ်, ဒီးနၢ်တနၢ်ဟူဘၣ်, ဒီးတဟဲနုာ်လၢပှၤကညီအသးဘၣ် -

၁ ကရံၣ်သူး ၂း၉

၂. တၢ်တဖၣ်လၢယွၤကတဲာ်ကတီၤဝဲလၢ ပှၤအဲၣ်အီၤအဂီၢ် - ၁ ကရံၣ်သူး ၂း၉

-- အခီၣ်ထံးတပတီၢ် - ကစၢ်ယွၤ ကတဲာ်ကတီၤတၢ်တဖၣ်လၢ ပထံၣ်သ့ၣ်ညါအီၤလၢ ပကစၢ်တသ့

ခ. ကစၢ်ယွၤလီၣ်ဖျါထီၣ်တ့ၢ်အီၤ

၁. ခီဖျိအသးစီဆှံ, ဆူတၢ်မၢဖိတဖၣ်ဒီး ဝံတဖၣ် - ၁ ကရံၣ်သူး ၂း၁၀

က. ဒ်ကစၢ်ခရံာ်အၢၣ်လီၤအတၢ်မၢဖိတဖၣ်အသိး - ယိၤဟၣ် ၁၆း၁၂-၁၄

ခ. ဒ်စီၤပီလူး စံးတ့ၢ်ဝဲလၢ အတၢ်ကွဲးပူၤအသိး - အ့းဖ့းစူး ၃း၁-၅

၂. ခီဖျိအသးစီဆှံ, ပှၤလၢအဃုတၢ်ယိာ်ဘၣ်ဃးဒီးယွၤ - ၁ ကရံၣ်သူး ၂း၁၀

က. ပှၤလၢအသ့ၣ်ညါတၢ်တဖၣ်လၢအဘၣ်ဃးဒီးယွၤ - ၁ ကရံၣ်သူး ၂း၁၁

ခ. ဒ်ပှၤတသ့ၣ်ညါ တၢ်လၢအအိၣ်လၢ ပှၤအဂၤတဂၤအသးပူၤဘၣ်အသိး -

၁ ကရံၣ်သူး ၂း၁၁

-- ခံပတီၢ်တပတီၢ် - ကစၢ်ယွၤလီၣ်ဖျါထီၣ်တၢ်လၢအဝဲအဲၣ်ဒိးလၢပကသ့ၣ်ညါ ခီဖျိအသးစီဆှံ

ဂ. ပှၤတၢ်မၢဖိတဖၣ်ဒိးန့ၢ်တ့ၢ်အီၤ

၁. ယွၤအသးစီဆှံ - ၁ ကရံၣ်သူး ၂း၁၂

က. တမ့ၢ်ဟီၣ်ခိၣ်အသးဘၣ်

ခ. ဘၣ်ဆၣ် မ့ၢ်သးလၢအဟဲလၢယွၤ

၂. တၢ်သ့ၣ်ညါလၢ ယွၤဟ့ၣ်ကလီအီၤ - ၁ ကရံၣ်သူး ၂း၁၂

က. လၢအအိၣ်ခူသူၣ်လၢပကညီအမဲာ်ညါလၢစိၤတဖၣ်အပူၤ

ခ. လၢအခဲအံၤတၢ်ဒုးသ့ၣ်ညါ ပှၤတၢ်မၢဖိတဖၣ် ဒီး ကစၢ်ခရံာ်အဝံတဖၣ်

-- သၢပတီၢ်တပတီၢ် - ပှၤတၢ်မၢဖိတဖၣ် ဒိးန့ၢ်ကစၢ်ယွၤအတၢ်ကူၣ်သ့ခီဖျိ သးစီဆှံ

ဃ. ပှၤတၢ်မၢဖိတဖၣ်ကတိၤတ့ၢ်အီၤ

၁. တမ့ၢ်တၢ်ကတိၤလၢပှၤကညီအတၢ်ကူၣ်သ့သိလိဝဲအသိးဘၣ် - ၁ ကရံၣ်သူး ၂း၁၃

၂. ဘၣ်ဆၣ် မ့ၢ်တၢ်ကတိၤလၢ သးစီဆှံသိၣ်လိဝဲအသိး - ၁ ကရံၣ်သူး ၂း၁၃

က. “ပပာ်သတြီၤတၢ်ဘၣ်ဃးဒီး သးလၢတၢ်ဘၣ်ဃးဒီးသး” (မ့ၤစံၣ်)

ခ. “ပတဲဖျါဘၣ်ဃးသးအတၢ်မ့ၢ်တၢ်တီတဖၣ်ဆူ ပှၤတဖၣ်လၢအအိၣ်ဒီးကစၢ်ယွၤ အသးစီဆှံ” (ခ့ခါ)

၃. ဒီးကွဲးတ့ၢ်အီၤဒ်သိး ပှၤအဂၤတဖၣ် ကသ့ၣ်ညါအီၤစ့ၢ်ကီး - အ့းဖ့းစူး ၃း၃-၄

-- လွံၢ်ပတီၢ်တပတီၢ် - ပှၤတၢ်မၢဖိအတၢ်ကွဲးတဖၣ် ဒုးသ့ၣ်ညါ ကစၢ်ယွၤ အတၢ်ကူၣ်သ့လၢ အလီၣ်ဖျါထီၣ်အသး

(အဃိ “ယွၤအတၢ်ကူၣ်သ့လၢအအိၣ်ခူသူၣ်” အံၤလီၣ်ဖျါထီၣ်အသး ခီဖျိ အခ့အပှၤတဖၣ်လီၤ (ရိမ့ၤ ၁၆း၂၅-၂၆). သနာ်က့, မ့ၢ်တၢ်ကူၣ်သ့လၢ ထဲဒၣ်ပှၤလၢ “အလၢအပှဲၤ” တဖၣ် ပာ်လုၢ်ပာ်ပှ့ၤအီၤလီၤ (၁ ကရံၣ်သူး ၂း၆).)

၃. ပှၤလၢအဘၣ်ဃးဒီးသးတဖၣ်သ့ၣ်ညါနၢ်ပၢၢ်အီၤ

က. ပှၤနီၢ်ခိဖိ တသ့ၣ်ညါအီၤဘၣ်

၁. “ပှၤနီၢ်ခိဖိ” မ့ၢ်ပှၤတဂၤလၢ -

က. “ဘၣ်တၢ်ပၢဆှၢအီၤလၢန့ဆၢၣ်အတၢ်မိၣ်န့ၢ်သးလီ, ဒ်ဆၣ်ဖိကီၢ်ဖိအတၢ်သးလီ အသိး, လၢအထီဒါလိာ်အသး ဒီး ပှၤလၢအဘၣ်တၢ်ပၢဆှၢအီၤလၢ ကစၢ်ယွၤအ သး စီဆှံ တဖၣ်” – Barnes

ခ. ပှၤလၢအဒိးသန့ၤအသးလၢ အကစၢ်ဒၣ်ဝဲအတၢ်သ့ၣ်ညါဒီး အတၢ်ဆိကမိၣ်တဖၣ်

၂. “ပှၤနီၢ်ခိဖိ” န့ၣ်အိၣ်ဝဲဒၣ်လၢ -

က. တဒိးန့ၢ်တၢ်တဖၣ်လၢအဘၣ်ဃးဒီးသးစီဆှံဘၣ်, မ့ၢ်လၢအထံၣ်ဝဲလၢ အမ့ၢ်တၢ် ကလီကလီ - ၁ကရံၣ်သူး ၂း၁၄ (က)

ခ. သ့ၣ်ညါအီၤတသ့ဘၣ်, မ့ၢ်လၢပသ့ၣ်ညါအီၤသ့လၢသးစီဆှံအဃိ -

၁ ကရံၣ်သူး ၂း၁၄ (ခ)

ခ. ဘၣ်ဆၣ် ပှၤဘၣ်ဃးဒီးသး သ့ၣ်ညါအီၤ

၁. “ပှၤဘၣ်ဃးဒီးသး” မ့ၢ်ပှၤတဂၤလၢ -

က. “ဘၣ်တၢ်ဒုးသ့ၣ်ညါအီၤလၢ သးစီဆှံ, လၢအထီဒါလိာ်အသးဒီး ပှၤလၢ အအိၣ်လၢ အကစၢ်အတၢ်သ့ၣ်ညါ ဒၣ်ဝဲအဖီလာ်” – Barnes

ခ. ပှၤလၢအအိးထီၣ်အသးလၢ သးစီဆှံအတၢ်သိၣ်လိသီလိ လၢအဘၣ်တၢ်လီၣ်ဖျါ ထီၣ်အီၤ လၢ ပှၤတၢ်မၢဖိတဖၣ် - အ့းဖ့းစူး ၃း၃-၄

၂. “ပှၤဘၣ်ဃးဒီးသး” န့ၣ်အိၣ်ဝဲဒၣ်လၢ -

က. ပှၤလၢအသ့ၣ်ညါထံတၢ်ခဲလၢာ်, မ့ၢ်လၢအဝဲအိၣ်ဒီးသးလၢ အသ့ၣ်ညါ တၢ်ဂ့ၤဒီး တၢ်အၢ - ၁ ကရံၣ်သူး ၂း၁၅ (က), ဧ့ၤဘြံၤ ၅း၁၂-၁၅

ခ. ဘၣ်ဆၣ် ပှၤတသ့ၣ်ညါထံဘၣ်အီၤနီတဂၤဘၣ် (ထဲဒၣ်ယွၤတဂၤဧိၤလီၤ) –

၁ ကရံၣ်သူး ၂း၁၅ (ခ), ၁ ကရံၣ်သူး ၄း၃-၄

-- ခီဖျိလၢ ယွၤအကလုၢ်ကထါအဃိ, သးစီဆှံဆှၢပှၤဆူ သးအတၢ်သ့ၣ်ညါ လၢအမ့ၢ် အတီန့ၣ်လီၤ.

တၢ်ကတိၤလၢခံ

၁. ပထံၣ်တ့ၢ်လံလၢ “ယွၤအတၢ်ကူၣ်သ့လၢအအိၣ်ခူသူၣ်” အံၤ ...

က. ပှၤကညီလၢဟီၣ်ခိၣ်အံၤ တသ့ၣ်ညါအီၤ ဘၣ်

ခ. ဘၣ်တၢ်ဒုးသ့ၣ်ညါအီၤ ခီဖျိ ပှၤလၢယွၤအသးစီဆှံဆှၢအီၤတဖၣ်

ဂ. ပှၤလၢအအိးထီၣ်အသးလၢ ကမၤလိန့ၢ် တၢ်လၢယွၤအသးစီဆှံဆှၢအီၤတဖၣ်အအိၣ်န့ၣ် ကသ့ၣ်ညါနၢ်ပၢၢ်အီၤ

၂. “ယွၤအတၢ်ကူၣ်သ့လၢအအိၣ်ခူသူၣ်” အံၤ ဘၣ်တၢ်ဒုးသ့ၣ်ညါအီၤလၢပှၤကိးဂၤဒဲးအဂီၢ်

က. ခီဖျိ ယ့ၣ်ရှူးခရံာ်အတၢ်သးခုကစီၣ်ဒီး အတၢ်စံၣ်တဲၤတဲလီၤ - ရိမ့ၤ ၁၆း၂၅-၂၆

ခ. ယ့ၣ်ရှူးခရံာ်အဲၣ်ဒိးလၢ ပှၤကိးဂၤဒဲးကနၢ်ဟူအီၤ - မၢ်ကူး ၁၆း၁၅-၁၆

၃. တဘၣ်ဆိကမိၣ်လၢ ပမ့ၢ်ခရံာ်ဖိလံအဃိ ပသ့ၣ်ညါနၢ်ပၢၢ်တၢ်ကူၣ်သ့အံၤလၢလၢပှဲၤပှဲၤလံတဂ့ၤ ...

က. ပှၤခရံာ်ဖိလၢအအိၣ်လၢကရံၣ်သူးတဖၣ်အဂီၢ် တၢ်လၢကဘၣ်သ့ၣ်ညါဝဲအိၣ်ဒံး -

 ၁ ကရံၣ်သူး ၃း၁-၃

ခ. ပှၤဧ့ၤဘြံၤဖိတဖၣ် အဂီၢ် တၢ်လၢကဘၣ်သ့ၣ်ညါဝဲအိၣ်ဒံး - ဧ့ၤဘြံၤ ၅း၁၁-၁၄

၄. ဒ်သိး “ကစၢ်ယွၤအတၢ်ကူၣ်သ့လၢအအိၣ်ခူသူၣ်” အံၤ ပဒိးန့ၢ်အီၤကသ့လၢလၢပှဲၤပှဲၤအဂီၢ်

က. ပတဘၣ်အိၣ်လၢတၢ်ဘၢၣ်စၢၤဘၣ်, ပတဘၣ်အိၣ်လၢ နီၢ်ခိအတၢ်သ့ၣ်ညါ အတၢ်ပၢဆှၢ အဖီလာ်ဘၣ်

ခ. ပကဘၣ်ဒိၣ်ထီၣ်လၢ တၢ်ဘျုးတၢ်ဖှိၣ်အပူၤ ဒီး တၢ်သ့ၣ်ညါအပူၤခီဖျိ တၢ်ဖးကစၢ်ယွၤ အကလုၢ် ကထါလီၤ. - ၁ ပ့းတရူး ၂း၁-၂, ယၤကိာ် ၁း၂၁

ထဲန့ၣ်မး, ခီဖျိယွၤအဘျုးအဖှိၣ်အဃိ, ပကမ့ၢ်ပှၤလၢ -

“ဒ်သိးအသးကမုာ်ထီၣ်ဝဲ, ဒီးကအိၣ်ဒီး အသးစဲဘူးတဖျၢၣ်ဃီလၢ တၢ်အဲၣ်တၢ်ကွံအပူၤ, ဒီးအိၣ်ဒီး တၢ်နၢ်ပၢၢ် လၢလၢပှဲၤပှဲၤအတၢ်ထူးတၢ်တီၤခဲလၢာ်, ဒ်သိး အကသ့ၣ်ညါယွၤ အတၢ်ခူသူၣ်, ဒ်ပစံးတၢ် အသိး, ခရံာ်, လၢကယဲၢ် တၢ်ကူၣ်သ့ ဒီး တၢ်သ့ၣ်ညါ အတၢ်လုၢ်ဒိၣ်ပှ့ၤဒိၣ် ခဲလၢာ်အိၣ်ပာ်ခူသူၣ် အသး လၢအပူၤန့ၣ်လီၤ.” ကလီးစဲ ၂း၂-၃

မ့ၢ်နလိၣ်ဘၣ် “တၢ်ကူၣ်သ့ဒီးတၢ်နၢ်ပၢၢ်လၢလၢပှဲၤပှဲၤအတၢ်ထူးတၢ်တီၤ” လၢပထံၣ်န့ၢ်အီၤသ့လၢ ခရံာ်အပူၤဧါ. မ့မ့ၢ်ဒ်န့ၣ်, တဘၣ်ဒိကနၣ် ဟီၣ်ခိၣ်အတၢ်ကူၣ်သ့ အကလုၢ်တဂ့ၤ. မ့မ့ၢ်တခီ ဒိကနၣ် ကစၢ်ခရံာ်အပှၤတၢ်မၢဖိ တဖၣ် အတၢ်ကူၣ်သ့အကလုၢ်တက့ၢ်.

ဟံးန့ၢ် PDF ဖဲအံၤတက့ၢ်.