တၢ်မၤအီၣ်ညၣ်တၢ်မၤလိ (၁)

ဒီးလဲၤနုာ်ဝဲလၢ ကဘီတဘ့ၣ်လၢအမ့ၢ် စီၤရှံမိၣ်အတၢ်, ဒီးဃ့ပှၤသုး စီၤစုၤထီၣ်ဒီး ခိန့ၣ်တစဲး, ဒီးဆ့ၣ်နီၤဝဲလၢ ကဘီပူၤ, ဒီးသိၣ်က့ၤသီက့ၤ ပှၤဂီၢ်မုၢ်လီၤ. (လူၤကၣ် - ၅း၃).

တၢ်မၤလိ တၢ - ကွဲမုာ်ယ့ၣ်ရှူးလၢ နကဘီပူၤ. တၢ်န့ၣ်မ့ၢ် တၢ်လၢနကဘၣ်စးထီၣ်အီၤလီၤ. မၤအီၤကိးဘျီဒဲး တက့ၢ်. တၢ်လၢကဒိၣ်စိလၢ နနီၢ်ကစၢ် အတၢ်မၤနၢၤ အဖီခိၣ် န့ၣ် တဒိၣ်န့ၢ်ဒံး နအိၣ်ဒီးယ့ၣ်ရှူးခရံာ်လၢနတၢ် အိၣ်မူအပူၤဧါ မ့တမ့ၢ် တအိၣ်ဘၣ်လဲၣ် န့ၣ်ဘၣ်. စီၤပ့းတရူး မၤအီၣ်ညၣ်လၢ အကစၢ်ဒၣ်ဝဲ အဂံၢ်အဘါ ဘၣ်ဆၣ် ဒီတနၤကျၢၤ မၤညၣ်တန့ၢ်နီတဘ့ၣ်ဘၣ်. ဘၣ်ဆၣ် ဖဲအဝဲကွဲနုာ် ယ့ၣ်ရှူးခရံာ်လၢ အကဘီပူၤအခါ, အဝဲဖီၣ် ညၣ်န့ၢ် အါန့ၢ်ဒံး အဝဲဖီၣ်ဝဲလၢညါ ဒံးလီၤ.

 
အခဲအံၤ, တၢ်တိာ်မ့ၢ်တအိၣ်ဘၣ်န့ၣ် ယ့ၣ်ရှူးတမၤတၢ်လီၤလး ဘၣ်. အဝဲသူဝဲဒၣ် အတၢ်လီၤလးတဖၣ် လၢ ကပာ်ဖျါထီၣ် တၢ်မၤမိၢ်ပှၢ်တဖၣ်အဂီၢ်လီၤ. အဃိ, တၢ်ကဲထီၣ်အသးအံၤ သိၣ်လိနၤလၢ ဖဲနဃၣ်ကွံာ်အဆၢကတီၢ် နအဲၣ်ဒိးမၤတၢ်မနုၤလဲၣ်, မ့တမ့ၢ်တခီ ဖဲ နတၢ်ဂ့ၤတဖၣ် တဂ့ၤထဲန့ၣ်ညါဘၣ် အခါလီၤ.

 
လၢစီၤပ့းတရူးအဂီၢ် အကဘီန့ၣ် မ့ၢ်အတၢ်အိၣ်မူလီၤ. ဖဲနကဲပှၤမၤညၣ်ဖိအခါန့ၣ်, နကဘီန့ၣ်မ့ၢ် နမုၢ်ကျိၤဝဲၤကွာ် တခါလီၤ. ပသ့ၣ်ညါသ့လၢ, စီၤပ့းတရူးကွဲမုာ် ယ့ၣ်ရှူးခရံာ်လၢ အမုၢ်ကျိၤဝဲၤကွာ် အပူၤ, ဒီးယ့ၣ်ရှူးခရံာ် သူအီၤ ဒ် ပျဲၢ်စီၤခိၣ်လၢ အတၢ်ဖံးတၢ်မၤအဂီၢ်လီၤ.

 
မ့ၢ်နမၤဒ်သိး စီၤပ့းတရူးကဲလံဧါ. နမၤမ့ၢ်ကဲန့ၣ်, ကစၢ်ယွၤ ကဆိၣ်ဂ့ၤ နမုၢ်ကျိၤဝဲၤကွာ်လီၤ. မ့ၢ်သပှၢ်ကတၢၢ်, ကစၢ်ယွၤကဆိၣ်ဂ့ၤ တၢ်လၢနဟ့ၣ်အီၤခဲလၢာ်လီၤ. ဘၣ်မနုၤပအိၣ်ပတုာ်လၢ ကဘီပူၤလဲၣ်? ဘၣ်မနုၤ နတဲလၢ ကစၢ်ယွၤဟ့ၣ်နၤ တၢ်ကိးမံၤဒဲး တသ့ဘၣ်လဲၣ်.

 
တၢ်ဆိမိၣ်အဂၤတခါမ့ၢ်ဒ်အံၤ, နအိၣ်ဒီးယ့ၣ်ရှူးခရံာ်လၢ နကဘီပူၤန့ၣ် မၤလီၤမၢ်ကွံာ် နတၢ်ပျံၤလၢ နကဃၣ်ကွံာ် အဂီၢ်, ဒီးမၤစှၤလီၤ နတၢ်ဘၣ်ကိၢ်ဘၣ်ဂီၤ ဘၣ်ဃး တၢ်လၢအကကဲထီၣ်က့ၤအသးလၢခံ န့ၣ်လီၤ.

 
ဖဲစီၤပ့းတရူး ဒုးကဲထီၣ် ယ့ၣ်ရှူးလၢ အသကိးလၢ ကဖီၣ်သကိးညၣ်အဂီၢ်န့ၣ်, တၢ်အစၢန့ၣ် လီၤလိၢ်လီၤလး ဒိၣ်မးလီၤ. ဘၣ်ဆၣ် တဘၣ်သးပ့ၤနီၣ် တၢ်ကဲထီၣ်အသးတဂ့ၤ. အခီၣ်ထံးကတၢၢ်, စီၤပ့းတရူး ပျဲယ့ၣ်ရှူးလၢ ကသူအကဘီလၢ အတၢ်ဖံးတၢ်မၤအဂီၢ်လီၤ. ဝံၤအလီၢ်ခံ, ယ့ၣ်ရှူးဆိၣ်ဂ့ၤ စီၤပ့းတရူးအကဘီ ဒီးသူအီၤလၢ ကအံးထွဲကွၢ်ထွဲက့ၤ စီၤပ့းတရူးအတၢ်လိၣ်ဘၣ်တဖၣ်အဂီၢ်လီၤ.

 
ယ့ၣ်ရှူးစံးဝဲဒၣ်, “မ့မ့ၢ်ဃုဆိယွၤအဘီအမုၢ်, ဒီးအတၢ်တီတၢ်လိၤတက့ၢ်. ဒီးတၢ်ကပာ်ဖှိၣ် တၢ်န့ၣ်တဖၣ်ခဲလၢာ် လၢသုလီၤ” (မးသဲ ၆း၃၃). မ့ၢ်နမၤန့ၢ် တၢ်အံၤလံဧါ. “တၢ်လၢနလိၣ်ဘၣ်ခဲလၢာ်န့ၣ် နကဒိးန့ၢ်အီၤလီၤ.”