တၢ်မၤအီၣ်ညၣ်တၢ်မၤလိ (၅)

... ဘၣ်ဆၣ်ဒီး မ့ၢ်နကလုၢ်အဃိဒီး, ယကပျၢ်လီၤစၤန့ၣ်လီၤ. (လူၤကၣ် - ၅း၅).

တၢ်မၤလိ (၅) - ဆၢထၢၣ်လၢယွၤအတၢ်အၢၣ်လီၤအီလီၤ အပူၤတက့ၢ်. ဖဲအပျဲၢ်အဘီၣ်တဖၣ် ဖီၣ်တ့ၢ်ညၣ်လၢ အပူၤကွံာ်တစိၢ်ဖိအခါန့ၣ်, အဝဲသ့ၣ်နာ်အီၣ်ဝဲ အတၢ်လဲၤခီဖျိဒီး အတၢ်သ့တၢ်ဘၣ်လီၤ. ဘၣ်ဆၣ်, တဘျီအံၤ အဝဲသ့ၣ် နာ်န့ၢ် ကစၢ်ခရံာ် အတၢ်အၢၣ်လီၤအီလီၤ လၢအမ့ၢ်ဝဲ, “သုးဃီၤကဘီဆူထံယိာ်, ဒီးဒ်သိး သုကန့ၢ် အီၣ်ညၣ် ဒီး, ပျၢ်လီၤသုစၤတက့ၢ်” (လူၤကၣ် ၅း၄). ခဲအံၤ, ယ့ၣ်ရှူးတတဲဘၣ် စီၤပ့းတရူးလီၤလီၤဆီဆီလၢ, “စီၤပ့းတရူးဧၢ, နမ့လဲၤမၤအီၣ်ညၣ်ဒီးယၤန့ၣ်, ယအၢၣ်လီၤနၤလၢ နကမၤန့ၢ်ညၣ်အါအါဂီၢ်ဂီၢ်လီၤ.” တလိၣ် အဝဲတဲ တၢ်အံၤဘၣ်. မ့ၢ်လၢ စီၤပ့းတရူး သ့ၣ်ညါဝဲလၢ ဖဲခရံာ်တဲဘၣ်အီၤလၢ ကလဲၤဖီၣ်ညၣ်, ဝံၤ တဲအီၤလီၤတံၢ်လီၤဆဲး လၢ ကဘၣ်ပျၢ်လီၤစၤ အလီၢ်အခါန့ၣ်, တၢ်ကဘၣ်ပၣ်ထွဲဝဲဒၣ် တမံၤမံၤလီၤ. စီၤပ့းတရူး မုၢ်လၢ် ဝဲလၢ ကစၢ်ယွၤ ကမၤတၢ်န့ၣ်လီၤ.

 
စီၤပ့းတရူး မုၢ်လၢ် ဝဲလၢ ကစၢ်ခရံာ် ကမၤဝဲဒ် အတၢ်အၢၣ်လီၤအသိးလီၤ. ဖဲကစၢ်ယွၤ အိၣ်ဒီးနၤလၢ နချံအပူၤ, ကစၢ်ယွၤအတၢ်သုးတၢ်ကျဲၤလၢ နခိၣ်နူာ်ပူၤ, ဒီး ကစၢ်ယွၤအတၢ်အၢၣ်လီၤအီလီၤ လၢနသးပူၤအခါန့ၣ်, နဃၣ်ကွံာ် တသ့နီတဘျီဘၣ်. ဘၣ်တဘၣ် နကတဲဝဲ, “ဖျါဂ့ၤဒိၣ်မး, ဘၣ်ဆၣ် နတသ့ၣ်ညါယတၢ်အိၣ်သးဘၣ်. အခဲအံၤ, တၢ်ကီတၢ်ခဲလၢ အဘၣ်ယၤန့ၣ် မၤနၢၤကွံာ်ယၤလံ. တၢ်ကီတၢ်ခဲဘၣ်ယၤဒိၣ်မး.”

 
နမ့တူၢ်ဘၣ်လၢ နတၢ်အိၣ်သးမၤဒၢၣ်နၤန့ၣ်, မၤတၢ်အံၤ, ဖးနလံာ်စီဆှံ, ဃုန့ၢ်ယွၤအတၢ်အၢၣ်လီၤအီလီၤ လီၤလီၤ ဆီဆီ, ဒီးစးထီၣ် တဲလၢ တၢ်အၢၣ်လီၤအီလီၤအံၤ မ့ၢ်နဂီၢ်န့ၣ်တက့ၢ်. စးထီၣ်မုၢ်လၢ်လၢ ကစၢ်ယွၤကမၤတၢ်, ဝံၤ နကထံၣ်လၢ အတၢ်အၢၣ်လီၤအီလီၤအံၤ ကထၢနုာ်လီၤ တၢ်မုၢ်လၢ် အသီဆူ နတၢ်အိၣ်သး အပူၤန့ၣ်လီၤ.

 
နဘှါလီၤကွံာ် နတၢ်ကီတၢ်ခဲ တန့ၢ်ဘၣ်အဃိ တၢ်ဘှါလီၤကွံာ် နတၢ်ကီတၢ်ခဲအကျိၤအကျဲ တအိၣ်ဘၣ်န့ၣ် တမ့ၢ်ဘၣ်. တၢ်ကဲထီၣ်လိၣ်ထီၣ်န့ၣ် ညီနုၢ်စးထီၣ်ကဲထီၣ်အသး ဖဲ တၢ်ဃၣ်ကွံာ် အိၣ်ထီၣ်ဝဲအခါလီၤ. အိၣ်ထီၣ် ဝဲဖဲ “နမၤညၣ်ဒီတနၤကျၢၤ ဘၣ်ဆၣ်နတမၤန့ၢ်ညၣ်နီတဘ့ၣ်ဘၣ်အခါ” အဝဲဒၣ်နုာ်လီၤဝဲလီၤ. အဃိ, တနွံအံၤ အတၢ်ကစီၣ်န့ၣ်မ့ၢ်ဝဲ - တဘၣ်ဟ့ၣ်အဃၣ်တဂ့ၤ. ဂုာ်ကျဲးစၢးအသီတဘျီကဒီးတက့ၢ်. တဘျီအံၤ, မၤဃုာ်ဒီး တၢ် ကစၢ်ခရံာ် လၢနချံပူၤ, ဒီးအဝဲဒၣ် ကမၤလီၤဆီတၢ် ဒိၣ်ဒိၣ်မုၢ်မုၢ်လီၤ.