ဒီးတုၤပှၤကီၢ်ဖိဖဲန့ၣ် သ့ၣ်ညါနီၣ်အီၤဒီး, မၢပှၤလဲၤလၢ ကီၢ်န့ၣ်ဒီကီၢ်ညါ, ဒီးဟဲစိာ်ကယဲၢ် ပှၤလၢ အမၤတကဲဘၣ် ဆူအအိၣ်, ဒီးဒ်သိးထဲအကထိးဘၣ် အကူအသိးအနွံဧိၤဒီး, ပှၤဃ့ကညးအီၤလီၤ. ဒီးဖဲဒၣ် ပှၤလၢအထိးဘၣ်ဝဲတဖၣ်န့ၣ်, ဘျါက့ၤဝဲလီၤ. (မးသဲ - ၁၄း၃၅-၃၆).“ဖဲတၢ်ထိးဘၣ်ယိယိဖိဆီတလဲတၢ်ကိးမံၤဒဲးအခါ” ပာ်ဖျါထီၣ် တၢ်နာ်လၢ ပှၤလၢအလဲၤဆူ ကစၢ်ယ့ၣ်ရှူးခရံာ် အအိၣ် ဖဲအအိၣ်လၢ ကီၢ်ကံးန့ၤရ့သး အခါ တဖၣ်အဂ့ၢ်, ဒီးဒုးသ့ၣ်နီၣ်က့ၤပှၤ လၢ ကစၢ်ယ့ၣ်ရှူးခရံာ် အတၢ်မၤဘျါအစိအကမီၤ ဒီး အတၢ်သူၣ်အိၣ်သးအိၣ်န့ၣ် အိၣ်ဒံးတုၤလၢ ပစိၤခဲအံၤ ဒၣ်လဲာ်န့ၣ်လီၤ.
ပှၤလၢအအိၣ်လၢ ကီၢ်ကံးန့ၤရ့သး တဖၣ် အိၣ်ဒီး တၢ်ကီတၢ်ခဲအါမံၤလီၤ. ဘၣ်ဆၣ် ဖဲကစၢ်ယ့ၣ်ရှူးခရံာ် လဲၤတုၤဆူအဝဲသ့ၣ် အတၢ်အိၣ်တၢ်ဆိးအလီၢ်န့ၣ်, အဝဲသ့ၣ်သ့ၣ်ညါလၢ ကစၢ်ခရံာ်မၤစၢၤအဝဲသ့ၣ်သ့ဝဲ, ဒီး ပှၤတဂၤလၢ်လၢ်လၢ အထိးဘၣ် ကစၢ်ခရံာ်အကူအသိးအနွံဧိၤန့ၣ် ဘျါက့ၤဝဲခဲလၢာ်လီၤ.
အခဲအံၤ, ပှၤအါဂၤလၢ အဖးဘၣ် တၢ်ဂ့ၢ်ဒ်န့ၣ်အသိးတဖၣ် တူၢ်ဘၣ်ဝဲလၢ မ့မ့ၢ်တၢ်မ့ၢ်တၢ်တီလၢ ပှၤလၢ လံာ်စီဆှံအသီအစိၤတဖၣ်အဂီၢ်ဘၣ်ဆၣ်, လၢအဝဲသ့ၣ်အဂီၢ်တမ့ၢ်တၢ်မ့ၢ်တၢ်တီလၢၤဘၣ်. ပှၤတနီၤနီၤ တနာ်ဝဲလၢ အဝဲသ့ၣ်အတၢ်ကီတၢ်ခဲတဖၣ်န့ၣ် ဘၣ်တၢ်ဘှါလီၤက့ၤအီၤသ့ဝဲ, မ့တမ့ၢ် တၢ်မၤဘျါက့ၤ အဝဲ သ့ၣ်သ့ဝဲဘၣ်. ဘၣ်တဘၣ် အဝဲသ့ၣ် တူၢ်ဘၣ်ဝဲလၢ အတဂိာ်တသီၣ်ဘၣ်, မ့တမ့ၢ် အတကြၢးဝဲဘၣ်ဝဲ ဘၣ်, မ့တမ့ၢ်အပျံၤတၢ်, မ့တမ့ၢ် အဃ့တၢ်မၤစၢၤတဘူၣ်ဘၣ်န့ၣ်လီၤ.
ဘၣ်ဆၣ်, လံာ်စီဆှံစံးဘၣ်ပှၤလၢ, “မဟါ, ဒီးမဆါအံၤ, ဒီးအစိၤစိၤအဃၣ်ဃၣ်န့ၣ်, ယ့ၣ်ရှူးခရံာ် မ့ၢ်တၢ်ဒ် လီၢ်လီၢ်လီၤ.” (ဧ့ၤဘြံၤ - ၁၃း၈). ဒ်ကစၢ်ယ့ၣ်ရှူးခရံာ် မ့ၢ်တၢ်ဒ် ကီၢ်ကံးန့ၤရ့သး အသိးန့ၣ်, အခဲအံၤ အဝဲမ့ၢ်တၢ်ဒ်န့ၣ်အသိးစ့ၢ်ကီးန့ၣ်လီၤ. အဝဲမၤဘျါ တၢ်ဆူးတၢ်ဆါကိးမံၤဒဲးသ့ဝဲ, ဘှါလီၤကွံာ်တၢ်ကီတၢ်ခဲ ကိးမံၤဒဲး သ့ဝဲ, ဟ့ၣ်ပှၤတၢ်ကူၣ်သ့လၢ ပလိၣ်ဘၣ်လၢ တၢ်အိၣ်သးကိးမံၤဒဲးအပူၤသ့ဝဲ, ဒီး ဒုးမၤပှၤ တၢ်မၤလၢ အလီၤဂာ်ဒ် ပှၤမၤအီၤတသ့ဘၣ်တဖၣ်အသိး သ့ဝဲန့ၣ်လီၤ.
နမ့ၢ်ဘၣ်ကွၢ်ဆၢၣ်မဲာ် တၢ်ကီတၢ်ခဲတမံၤဂ့ၤတမံၤဂ့ၤလၢ နလဲၤခီဖျိအီၤတန့ၢ်ဘၣ် တဖၣ်န့ၣ်, မၤလိန့ၢ်တၢ် လၢပှၤလၢအလဲၤဆူကစၢ်ခရံာ်အအိၣ် ဖဲကီၢ်ကံးန့ၤရ့သးအပူၤတဖၣ် အအိၣ်န့ၣ်တက့ၢ်.
ဘၣ်တဘၣ် နကအိၣ်ဒီး နီၢ်ခိတၢ်လိၣ်ဘၣ်တဖၣ်, မ့တမ့ၢ် နတူၢ်ဘၣ်လၢ နအိၣ်ဒီးတၢ်ဆီၣ်သနံးအါမး, အိၣ်ဒီး တၢ်သးဟးဂီၤ, မ့တမ့ၢ် အိၣ်ဒီး တၢ်ဘၣ်ယိၣ်ဘၣ်ဘီ သ့ၣ်တဖၣ်န့ၣ်လီၤ. ဘၣ်တဘၣ် နကအိၣ်ဒီး ကျိၣ်စ့တၢ်လိၣ်ဘၣ် မ့တမ့ၢ် နဟံၣ်ဖိဃီဖိတဂၤဂၤ အိၣ်လၢ တၢ်ကီတၢ်ခဲအပူၤန့ၣ်လီၤ. ဘၣ်တဘၣ် နကအိၣ်ဒီး တၢ်ကီတၢ်ခဲလၢ နတၢ်ဆီဟံၣ်ဆီဃီအပူၤ မ့တမ့ၢ် လၢနဖိတဖၣ်အသိးအကျါလီၤ. နတၢ် ကီတၢ်ခဲမ့ၢ်အိၣ်ဒ်လဲၣ်ဂ့ၤဒ်လဲၣ်ဂ့ၤ, လဲၤဆူကစၢ်ခရံာ်အအိၣ်န့ၣ်တက့ၢ်. နာ်အီၤတက့ၢ်. အတၢ်စိတၢ်ကမီၤ န့ၣ်မ့ၢ်တၢ်မ့ၢ်တၢ်တီ ဒီး အခဲအံၤ အိၣ်ကတဲာ်ကတီၤအသးလၢ နဂီၢ်လီၤ. ထဲဒၣ် ဃ့တၢ်လၢ အအိၣ်လၢ တၢ်နာ်အပူၤတက့ၢ်.
0 Comments