အဂ့ၢ်ဒ်အံၤ, ယွၤကတိၤတၢ်တဘျီ ဒီးခံဘျီတဘျီဘၣ်ဆၣ်ဒီး, ပှၤကညီတတိၢ်န့ၢ်ဘၣ်. လၢတၢ်မံမီၢ် အပူၤ, လၢတၢ်ထံၣ်တၢ်လၢညါခီ လၢမုၢ်နၤ, ဖဲတၢ်မံသပ့ၤလီၤဘၣ် ပှၤကညီ, ဖဲအမံခ့လၢ အလီၢ်မံအဖီခိၣ်န့ၣ်,- (ယိၤဘး - ၃၃း၁၄-၁၅).ကစၢ်ယွၤမ့ၢ်ပှၤလၢအဟ့ၣ်တၢ်မံမီၢ်တဂၤလီၤ. ကစၢ်ယွၤသူတၢ်မံမီၢ်ဒ်အဃုထၢဝဲအသိး သ့ဝဲဒၣ်လီၤ. ဘၣ်ဆၣ် လံာ်စီဆှံမ့ၢ် ဂံၢ်ခီၣ်ထံးတခါလၢ နကနၢ်ဟူ ကစၢ်ယွၤအကလုၢ်အဂီၢ်လီၤ. “အဂ့ၢ်ဒ်အံၤ, ယွၤကတိၤတၢ် ... လၢတၢ်မံမီၢ်အပူၤ, လၢတၢ်ထံၣ်တၢ်လၢညါခီလၢမုၢ်နၤ, ဖဲတၢ်မံသပ့ၤလီၤဘၣ် ပှၤကညီ” အခါလီၤ. (ယိၤဘး ၃၃း၁၄-၁၅).
မ့တမ့ၢ်ဘၣ်လၢ နအဲၣ်ဒိးသူလၢာ်နတၢ်အိၣ်မူ လၢတၢ်ကလီကလီ အပူၤဘၣ်န့ၣ်, ဟံးထီၣ်က့ၤ နတၢ်မံမီၢ်လၢ တဃံၤခိၣ် ဒီး တြူာ်ကွံာ် ဖၣ်ကမူၣ်လၢအအိၣ်လၢ အလိၤတဖၣ်န့ၣ် တက့ၢ်. ပတၢ်အိၣ်မူအပူၤ ပတၢ်ဆၢကတီၢ်လၢာ်ကွံာ်လၢ တၢ်လၢပကဘၣ်မၤတဖၣ်, ဒ်အမ့ၢ် တၢ်ဖံးတၢ်မၤ, တၢ်အံးထွဲကွၢ်ထွဲပဖိတဖၣ်, ပမါပဝၤ, ဒီး မိၢ်ပၢ်သးပှၢ်တဖၣ်, ဒီး တၢ်ကွၢ်ထွဲ ပဟံၣ်ပဃီတဖၣ်န့ၣ်လီၤ.
ဘၣ်ဆၣ်, နဘၣ်နာ်လၢ နဒုးမၤမူထီၣ်က့ၤ နတၢ်အိၣ်မူ ဒီး နတၢ်မံမီၢ်တဖၣ် ဒီး နာ်လၢ နအိၣ်ဒီး တၢ်သ့တၢ်ဘၣ်လၢ နကနုာ်လီၤက့ၤဆူ နတၢ်သူၣ်ဆူၣ်သးဂဲၤ လၢတဘျီ အိၣ်တ့ၢ်ဒီးနၤလၢ နတၢ်အိၣ်မူ အပူၤန့ၣ်လီၤ. နကဘၣ်အိၣ်ဒီး တၢ်သးဒူလၢ နကသဂၢၢ် ဒီး တၢ်သးဟးဂီၤတဖၣ် လၢအအိၣ်တ့ၢ်လၢ နတၢ်အိၣ်မူလၢအပူၤကွံာ်တဖၣ်အပူၤ, ကွၢ်ထံက့ၤကျဲလၢ နလဲၤခီဖျိတ့ၢ်အီၤတဖၣ်, ဒီး ထံၣ်နကလဲၤ ဖဲလဲၣ်န့ၣ်လီၤ. ဝံၤအလီၢ်ခံ နကဘၣ်မၤဟါမၢ်ကွံာ် တၢ်ကလုၢ်လၢ အအိၣ်လၢနခိၣ်နူာ်အပူၤ လၢ အစံးဝဲ, “အိၣ်ဒၣ်ထဲအံၤလီၤ. နမ့ၢ်မတဂၤလၢ အဲၣ်ဒိးတၢ် အါထီၣ်လၢ နတၢ်အိၣ်မူအပူၤန့ၣ်လဲၣ်? နမၤတသ့လၢၤဘၣ်. စဲၤခံလၢနဂီၢ်ဖးဒိၣ်လံ.”
ပတူၢ်ဃၣ်ကွံာ် ပတၢ်မံမီၢ်တဖၣ် မ့ၢ်လၢ ပဆိကမိၣ်လၢ ပှၤဒိၣ်တူာ်ခိၣ်ပှဲၤတဖၣ် ကဘၣ်မၤတၢ်မနုၤ တဖၣ်လဲၣ် န့ၣ်လီၤ. ဘၣ်ဆၣ် ဖဲပဒိၣ်တူာ်ခိၣ်ပှဲၤအဆၢကတီၢ် ပသ့ၣ်ညါလၢ တၢ်မၤလၢပှဲၤပတၢ်မံမီၢ်န့ၣ် မ့ၢ်တၢ်လၢအဒုးတူၢ်ပှၤလၢ ပအိၣ်ဒီးတၢ်မူလီၤ. တၢ်မ့ၢ်တၢ်တီန့ၣ် မ့ၢ်ဝဲ ဃုာ်ဒီးတၢ်အဲၣ်တၢ်ကွံ, တၢ်ထုကဖၣ်, ဒီး တၢ်သးစၢၢ်ဆၢန့ၣ် နတၢ်မံမီၢ်တဖၣ်, ဒ်စီၤလါစရူးအသိး, ကမူထီၣ်ကဒါက့ၤဝဲလီၤ (ကွၢ် ယိၤဟၣ် ၁၁း၄၃). တၢ်ဟံးထီၣ်ကဒါက့ၤနတၢ်မံမီၢ် အတၢ်ခူသူၣ်န့ၣ် မ့ၢ်ဝဲ နကသးခုလၢ နဟံးထီၣ်ကဒါ က့ၤနတၢ်မံမီၢ်အဃိ အါန့ၢ်ဒံး နကွၢ်တၢ်လၢ တၢ်ကကဲထီၣ်အသးခီဖျိနတၢ်မံမီၢ်အဃိန့ၣ်လီၤ.
တၢ်မၤနၢၤတၢ် ခီဖျိတၢ်ဂ့ၢ်အံၤအဖီခိၣ် န့ၣ်တမ့ၢ်လၢ နမူဒါအဃိ, နကျိၣ်စ့တၢ်လိၣ်ဘၣ်အဃိ န့ၣ်ဘၣ်, မ့မ့ၢ်တခီမ့ၢ်တၢ်မၤတၢ်လၢ နအဲၣ်အီၤတခါအဃိ န့ၣ်လီၤ. တၢ်န့ၣ်မ့ၢ်တၢ်တခါလၢ ကစၢ်ယ့ၣ်ရှူးခရံာ်အၢၣ် လီၤဝဲ လၢအမ့ၢ်, “မ့မ့ၢ်ယဲဒၣ်အံၤ, ဒ်သိးအကန့ၢ်ဘၣ်တၢ်မူဒီး န့ၢ်ဘၣ်အါအါကလဲာ်ဒီး, ယဟဲယဲလီၤ.” (ယိၤဟၣ် - ၁၀း၁၀).
0 Comments