မၤနၢၤနဝ့ၢ်ယရံၤဃိ (၂)

ဒီးတုၤ စီၤယိၤရှူအိၣ်ဝဲလၢ ယရံၤဃိန့ၣ် တၢ်မၤအသးလၢ အကျ့ထီၣ်အမဲာ်, ဒီးကွၢ်တၢ်, ဒီးကွၢ်ကွၢ်, ပှၤဆၢထၢၣ်လၢအမဲာ်ညါ အိၣ်ဒီး အနးဘ့ၣ်ထီၣ်အသးလၢ အစုပူၤ, ဒီးစီၤယိၤရှူလဲၤထီၣ်ဆူအအိၣ်, ဒီးစံးလၢအီၤ, နအိၣ်လၢပဂီၢ်, နအိၣ်လၢ ပဒုၣ်ပဒါအဂီၢ်လဲၣ်. (ယိၤရှူ - ၅း၁၃).

ဖဲ ၁၉၅၆ နံၣ် လါယနူၤအါရံၤအလၢာ်န့ၣ်, ဒီးကထၢၣ်မၣ်တ့ၣ်လူသၢၣ်ခ့ ဒိးန့ၢ် လီတဲစိအတၢ်ကိး လၢအမၤပျံၤမၤဖုးအီၤတခါ ဖဲအအိၣ်ဝဲဒၣ်လၢ အဟံၣ်ပူၤအဆၢကတီၢ်န့ၣ်လီၤ. တၢ်မၤပျံၤမၤဖုးအံၤ တမ့ၢ်အခီၣ်ထံးကတၢၢ်တဘျီလၢအဂီၢ်ဘၣ်. ဘၣ်ဆၣ်, တၢ်တနၤန့ၣ် အမါဒီးအဖိတဖၣ် မ့ၢ်မံမုာ်ဝဲ ဘၣ်ဆၣ်, ထံဖိကီၢ်ဖိအတၢ်ခွဲးတၢ်ယာ်တၢ်ဟူးတၢ်ဂဲၤန့ၣ် အတယၢၢ်ဃၢဝဲလၢ အဝဲဒၣ်အဖံဘၣ်ခိၣ် န့ၣ်လီၤ. အဝဲသ့ၣ်ညါဝဲလၢ တၢ်ဘၣ်ယိၣ်ဖးဒိၣ်အိၣ်ဝဲ ဘၣ်ဆၣ် အဝဲစးထီၣ် သုးကျဲၤလၢ တၢ်ပူၤဖျဲးအဂီၢ်န့ၣ်လီၤ.

 
ဖဲဖးဖီမုၢ်အဆၢကတီၢ်န့ၣ် အဝဲတီၤလီၤအခိၣ်လၢ စီၤနီၤခိၣ်အလိၤ ဒီးစးထီၣ်ဘါထုကဖၣ်, “ယပျံၤတၢ်လီၤ. ပှၤဂီၢ်မုၢ်တဖၣ် ကွၢ်တၢ်လၢယအိၣ်လၢ ယကကဲထီၣ်အခိၣ်အနၢ်တဂၤ အဂီၢ်လီၤ. ဒီး ယမ့ၢ်ဂဲၤဆၢထၢၣ်လၢအဝဲသ့ၣ်အမဲာ်ညါ လၢတအိၣ်ဒီး တၢ်ဂံၢ်တၢ်ဘါ ဒီး တၢ်သူၣ်ဒူသးဒူဘၣ်န့ၣ်, အဝဲသ့ၣ်တဖၣ် အသးကလီၤဘှါဝဲစ့ၢ်ကီးလီၤ. အခဲအံၤ ယတၢ်စိတၢ်ကမီၤ တအိၣ်လၢၤဘၣ်. တၢ်တအိၣ်ဒီးယၤနီတမံၤလၢၤဘၣ်. အခဲအံၤ ယတုၤလၢ တၢ်အိၣ်သးလၢ ယကဘၣ်သဂၢၢ်အီၤ ထဲတဂၤဧိၤတသ့လၢၤဘၣ်.” ဝံၤအလီၢ်ခံ, မၣ်တ့ၣ်လူသၢၣ်ခ့ တဲပၠးဝဲ တၢ်ကဲထီၣ်အသးလၢခံ ဒ်အံၤ, “ယလဲၤခီဖျိဘၣ် ကစၢ်ယွၤအတၢ်မၤစၢၤ လၢအပူၤကွံာ် ယတလဲၤခီဖျိဘၣ်နီတဘျီဘၣ်. လီၤဂာ်ဒ်သိး ယနၢ်ဟူတၢ်ကလုၢ်ဖိလၢ ယသးပူၤလၢအစံးဝဲ, “ဂဲၤဆၢထၢၣ်လၢ တၢ်တီတၢ်လိၤအဂီၢ်တက့ၢ်. ဂဲၤဆၢထၢၣ်လၢ တၢ်မ့ၢ်တၢ်တီအဂီၢ်တက့ၢ်. ဒီးကစၢ်ယွၤကအိၣ်လၢနကပၤ ထီဘိလီၤ.”

 
ဖဲမၣ်တ့ၣ်လူသၢၣ်ခ့ ဘၣ်သဂၢၢ်ဒီး တၢ်တၤတၢ်ဒီးအီၤ ဖးဒိၣ်အဆၢကတီၢ်န့ၣ်, အဝဲဒၣ် ကျ့ထီၣ်အမဲာ်ဆူ ကစၢ်ယွၤအအိၣ်န့ၣ်လီၤ. လံာ်စီဆှံစံးဝဲ, “ဒီးတုၤ စီၤယိၤရှူအိၣ်ဝဲလၢ ယရံၤဃိန့ၣ် တၢ်မၤအသးလၢ အကျ့ထီၣ်အမဲာ်, ဒီးကွၢ်တၢ်, ဒီးကွၢ်ကွၢ်, ပှၤဆၢထၢၣ်လၢအမဲာ်ညါ” တဂၤန့ၣ်လီၤ. ဖဲစီၤယိၤရှူ ကျ့ထီၣ်အမဲာ် ဖဲအအိၣ်ဝဲလၢဝ့ၢ်ယရံၤဃိ အဆၢကတီၢ်န့ၣ်, ကစၢ်ယွၤအပှၤဆှၢတၢ်ကစီၣ် တဂၤ ဂဲၤဆၢထၢၣ်လၢ အမဲာ်ညါ လၢအအိၣ်ဒီး ကျဲလၢအကဘှါလီၤက့ၤ အတၢ်ကီတၢ်ခဲတဖၣ်အဂီၢ်လီၤ. 

 နမဲာ်ချံတဖၣ် မ့ၢ်ကွၢ်တၢ်ဆူ နတၢ်ကီတၢ်ခဲအအိၣ်န့ၣ်, နတထံၣ်ပှၤလၢအကဘှါလီၤန့ၢ်နၤ နတၢ်ကီတၢ်ခဲတဂၤဘၣ်. နကဘၣ် ကွၢ်ထီၣ်ဆူတၢ်ဖီခိၣ်လီၤ. “ယကကျ့ထီၣ်ယမဲာ်ဆူ ကစၢၢ်ကလိ ဖဲတၢ်မၤစၢၤယၤဟဲဝဲလီၤ. တၢ်မၤစၢၤယၤန့ၣ် ဟဲဝဲလၢယွၤလၢ အတ့လီၤမူခိၣ်, ဒီးဟီၣ်ခိၣ်တဂၤ အအိၣ်လီၤ.” (ထါစံးထီၣ်ပတြၢၤ - ၁၂၁း၁-၂).