တၢ်လုၢ်ဟံၣ် (The Temple)

စီၤစရူၤဘၤဘ့လး အတၢ်လုၢ်ဟံၣ် အံၤ ဘၣ်တၢ်မၤ၀ံၤအီၤဖဲ ချ.ခ.န. ၅၁၅ အပူၤ, ဖဲစီၤယိၤရှူ ကဲပှၤလုၢ်တၢ် အဒိၣ် အဆၢကတီၢ်, ဒီးစီၤစရူၤ ဘၤဘ့လး လၢအမ့ၢ် စီၤပၤ ယဟိၤယါကံၣ် အလံၤလၢ အအိၣ်ဘၣ်လၢ တၢ်မၢကဲကုၢ် အလီၢ်အံၤ ကဲထီၣ် ယူဒၤ အပဒိၣ် ဖးဒိၣ် အခါန့ၣ်လီၤ. ၀ံဃးကဲ ဒီး ၀ံစကၤရယၤ ဟ့ၣ်ဂံၢ်ဟ့ၣ်ဘါ ပှၤဘှီတၢ်တဖၣ်န့ၣ်လီၤ. တၢ်လုၢ် ဟံၣ်ခံဖျၢၣ်တဖျၢၣ် အံၤ တအိၣ်ဒီး တလါစီဆှံလၢၤဘၣ်. တၢ်လုၢ်ဟံၣ် တၢတဖျၢၣ် လၢအအိၣ်ဒီး တလါစီဆှံအံၤ ဘၣ်တၢ်မၤဟးဂီၤ အီၤဖဲ ချ.ခ.န. ၅၈၇ နံၣ်လၢ ဘၤဘူလိၣ်အသုးမုၢ်တဖၣ် န့ၣ်လီၤ. တၢ်လုၢ်ဟံၣ် ခံဖျၢၣ်တဖျၢၣ် အပူၤ, တၢ်စီဆှံ တဖၣ် အတၢ်စီဆှံ အလီၢ် အိၣ်ကလီ၀ဲလီၤ. လၢတၢ်စီဆှံ အလီၢ်န့ၣ်, မဲၣ်အူဒၢ တဖျၢၣ် ဂဲၤထၢၣ်၀ဲဒၣ်, ဘၣ်ဆၣ် လၢအပူၤ ကွံာ်န့ၣ် ဂဲၤထၢၣ်၀ဲဒၣ် အဖျၢၣ်တဆံ န့ၣ်လီၤ. ယွၤအဟံၣ်အဃၢၤ အဃိၣ် လၢဘၣ်တၢ် က့ၤစိာ် လၢစီၤပၤ နဘူၤကးန့ စၢ်န့ၣ် ဘၣ်တၢ်ဟဲဆှၢ က့ၤအီၤ န့ၣ်လီၤ. တၢ်လုၢ်လီၢ် လၢ တၢ်ကလုၢ်ထီၣ် တၢ်အဂီၢ် လၢအအိၣ်လၢ တၢ်လုၢ်ဟံၣ် အချၢန့ၣ် ဘၣ်တၢ်မၤဂ့ၤထီၣ်က့ၤအီၤ ဒီး ဘၣ်တၢ်စးထီၣ် သူအီၤန့ၣ်လီၤ.


ဖဲ ချ.ခ.န. ၂၀ နံၣ်န့ၣ်, စီၤပၤဟ့ၤရိာ် စးထီၣ်မၤဂ့ၤထီၣ် ဒီး မၤလဲၢ်ထီၣ် တၢ်လုၢ်ဟံၣ် အက့ၢ်အဂီၤ, ဒီး၀ံၤ၀ဲဖဲ တချုး ပှၤရိမ့ၤ ဖိတဖၣ် မၤဟးဂီၤ တၢ်လုၢ်ဟံၣ်ဖဲ ခ.န. ၇၀ နံၣ်အပူၤ န့ၣ်လီၤ. တၢ်လီၢ်စီဆှံကတၢၢ်အလီၢ် ဘၣ်တၢ်မၤ၀ံၤအီၤလၢ တဆံဃိးလါ အတီၢ်ပူၤ (ခ.န ၂၀-၁၉), ဘၣ်ဆၣ် တၢ်မၤလဲၢ်ထီၣ် တၢ်လုၢ်ဟံၣ် အက့ၢ်အဂီၤ ဃုာ်ဒီး တၢ်အဂၤတဖၣ်, ကဘၣ်တၢ်မၤ၀ံၤ အီၤအဂီၢ် လိၣ်တၢ်ဆၢ ကတီၢ်ဖးယံာ်ညါ န့ၣ်လီၤ. ရိမ့ၤသုးခိၣ်ဖးဒိၣ် ထါထၢး အတၢ်မၤဟးဂီၤ တၢ်လုၢ်ဟံၣ် ဖဲ ခ.န. ၇၀ နံၣ်အံၤ ဟဲစိာ် တၢ်အကတၢၢ်လၢ ယရူၤရှလ့ၣ် ဒ်အမ့ၢ် တၢ်ဘူၣ်တၢ်ဘါ အလီၢ်ခၢၣ်သး လၢ ပှၤယူဒၤဖိ တဖၣ် အဂီၢ်န့ၣ်လီၤ.