တၢ်ဆၢကတီၢ် အရ့ဒိၣ် တဖၣ်ဖဲ ကစၢ်ခရံာ်အစိၤ

ဟီၣ်ခိၣ်ဂီၤလၢလံာ်စီဆှံအသီအစိၤ

တၢ်ဆၢကတီၢ် လၢလာ်တဖၣ်အံၤ မ့ၢ်တၢ်မၤ အသးအမ့ၢ်အတီ ဖဲ တချုး ကစၢ်ခရံာ် အစိၤ ဒီး ကစၢ်ခရံာ် အစိၤ၀ံၤ အလီၢ်ခံ န့ၣ်လီၤ. တၢ်ဆၢကတီၢ် တနီၤနီၤန့ၣ် တၢ်တယာ် က့ၤအီၤ တဘၣ် မူာ်မူာ်နီၢ်နီၢ် လၢၤဘၣ်. ကစၢ်ခရံာ် အတၢ်သံ လၢထူၣ်စုညါ လိၤဒီး အတၢ်ဂဲၤဆၢထၢၣ် မုၢ်နံၤ တၢ်တယာ် လၢကမ့ၢ်၀ဲ ခ.န. ၃၃ န့ၣ်လီၤ. ကစၢ်ခရံာ်မ့ၢ်သံဖဲ မုၢ်ယဲၢ်နံၤ လၢအဘၣ်လိာ်သးဒီး ယူဒၤဖိ အတၢ်အီၣ်ဘူၣ် လဲၤကပာ် တနံၤန့ၣ် ကစၢ်ခရံာ် အတၢ်သံမုၢ်နံၤ တၢ်တယာ်လၢကမ့ၢ် ၀ဲ ခ.န. ၃၀ လါအ့ဖြ့ၣ် ၇သီ မ့တမ့ၢ် ခ.န. ၃၃ လါအ့ဖြ့ၣ် ၃ သီန့ၣ်လီၤ. တၢ်ဆၢကတီၢ် အဂၤလၢ တၢ်တယာ် အီၤတဖၣ် မ့ၢ်၀ဲ

ချႋခႋနႋ ၃၇	စီၤပၤဟ့ၤရိာ် စးထီၣ်ပၢကီၢ်ယူဒၤ
ချႋခႋနႋ ၂၇	အီးစထ့ဘယၢၣ် ဒိးန့ၢ်အမံၤ “အီးကူစတူး” ဒီး “ရိမ့ၤ စီၤပၤဖးဒိၣ်”
ချႋခႋနႋ ၅	ကစၢ်ခရံာ်အတၢ်အိၣ်ဖျဲၣ် ထီၣ်လၢ ၀့ၢ်ဘ့ၤသလ့ဃ့ၣ်
ချႋခႋနႋ ၄	စီၤပၤဟ့ၤရိာ်သံ (လၢလါမးရှးအပူၤ). အကီၢ်ဘၣ် တၢ်နီၤဖး အီၤသၢက့ လၢအဖိခွါ သၢဂၤ လၢဘၣ်တၢ်သ့ၣ်ညါ အီၤလၢ စီၤပၤဟ့ၤရိာ် အၤခဲလီး (ပၢတၢ်လၢ အံၤဒူၤမဲယါ, ယူဒၤ ဒီးရှၤမရံ), စီၤပၤဟ့ၤရိာ် အၤတံၤဖၢး (ပၢတၢ်လၢ ကၤလံၤလါ ဒီးဖဲရၤ), ဒီးဖံလံးပူး (ပၢတၢ်လၢ ထြဲးခိၤနံၤထံးစ်) သ့ၣ်တဖၣ် န့ၣ်လီၤႋ တၢ်ပူထီၣ်လီထီၣ် ဒိၣ်ဒိၣ် မုၢ်မုၢ် အိၣ်ထီၣ်သး ဘၣ်ဆၣ် တၢ်မၤဟးဂီၤ ကွံာ်အီၤ လၢ ရိမ့ၤ အသုးဖိသ့ၣ် တဖၣ် လၢဘၣ် တၢ်တီခိၣ်ရိာ်မဲ အီၤလၢ သုးခိၣ်ကျၢၢ် ဘါရၢး န့ၣ်လီၤႋ
ခႋနႋ ၆	စီၤပၤဟ့ၤရိာ် အၤခဲလီး ဘၣ်တၢ်နီၣ်ဟးထီၣ်ကွံာ် အီၤလၢ အကီၢ် န့ၣ်လီၤႋ ၀ံၤ ကီၢ်ယူဒၤ အိၣ်က့ၤလၢ ရိမ့ၤ အတၢ်ပၢဖီလာ် လိၤလိၤ လီၤႋ ခိၤဖိၤနံယၢး မ့ၢ်ပှၤအခီၣ် ထံး ကတၢၢ် တဂၤလၢ အပၢကီၢ်ယူဒၤဒ် ပဒိၣ် တဂၤအသိး န့ၣ်လီၤႋ လၢကီၢ်ကၤလံၤ လါ အပူၤ တၢ်ပူထီၣ်လီထီၣ် အိၣ်ထီၣ် လၢအဘၣ် တၢ်တီခိၣ်ရိာ် မဲအီၤလၢ စီၤယူဒၤ (တမ့ၢ်ယူဒၤ ကစၢ်ခရံာ်အပျဲၢ်ဘၣ်) န့ၣ်လီၤႋ
ခႋနႋ ၁၄	ရိမ့ၤ စီၤပၤဖးဒိၣ် ထဲၤဘ့ရံယၢး စးထီၣ် ပၢရိမ့ၤ အဘီအမုၢ် (ဒီးပၢ၀ဲတုၤ ခႋနႋ ၃၇) န့ၣ်လီၤႋ
ခႋနႋ ၂၆	စီၤပံလး ဟဲတုၤလၢ ကီၢ်ယူဒၤ ဒ်ပဒိၣ် တဂၤအသိး န့ၣ်လီၤႋ စီၤပၤ ဟ့ၤရိာ် သုး အ၀့ၢ်ခိၣ် လၢစဲၤဖိရံး လၢအအိၣ်လၢ ကၤလံၤလါဆူ ထဲၤဘ့ရံယၢး န့ၣ်လီၤႋ
ခႋနႋ ၂၆	စီၤယိၤဟၣ်ဘျၢတၢ် စးထီၣ် အတၢ်စံၣ်တဲၤတဲလီၤတၢ် န့ၣ်လီၤႋ
ခႋနႋ ၂၇-၃၀	ကစၢ်ခရံာ် အတၢ်ဖံးတၢ်မၤ အဆၢကတီၢ်တဖၣ်
ခႋနႋ ၃၀	ကစၢ်ခရံာ်အတၢ်သံလၢထူၣ်စုညါ အလိၤ
ခႋနႋ ၃၅ အခိၣ် အဃၢၤ	စီၤပီလူး ပီၢ်ယၢ်လီၤက့ၤအသးလၢ ဒၤမ့စ့း ကျဲမုၢ်ခိၣ်
ခႋနႋ ၃၆	စီၤပံလး မၤဟးဂီၤကွံာ် ပှၤရှၤမရံဖိ လၢအပူထီၣ် တၢ်သ့ၣ်တဖၣ် ဒိၣ်ဒိၣ် မုၢ်မုၢ်, ဒီး ဘၣ်တၢ်ကိးက့ၤ အီၤဆူ ၀့ၢ်ရိမ့ၤန့ၣ်လီၤႋ
ခႋနႋ ၃၉	ရိမ့ၤစီၤပၤ ခၤလံၤကူၤလၤ (ပၢတၢ် လၢ ခႋနႋ ၃၇ တုၤ ၄၁) ဂုာ်ကျဲးစၢး ထၢနုာ် အဂီၤ စိးပျၤ သးလၢ ယရူၤရှလ့ၣ် တၢ်လုၢ်ဟံၣ် ပူၤန့ၣ်လီၤႋ ဘၣ်ဆၣ် ပှၤယူဒၤဖိ တဖၣ် ထီဒါတၢ် ဒိၣ်ဒိၣ် မုၢ်မုၢ် န့ၣ်လီၤႋ (လၢကၠိစဲးဖၢး အတၢ်ကွဲးအပူၤ)
ခႋနႋ ၄၁	ဟ့ၤရိာ် အၤကြံၤပၤ စးထီၣ်ပၢ အံၤဒူၤမဲယၤ, ယူဒၤ, ဒီးရှၤမရံ ဒီး ဘၣ်တၢ် ဟ့ၣ်လီၤ တၢ်လၤကပီၤ လၢအမ့ၢ် “စီၤပၤ” န့ၣ်လီၤႋ
ခႋနႋ ၄၄	စီၤပၤဟ့ၤရိာ် အၤကြံၤပၤ သံ (မၤတၢ် ၁၂း၁-၁၃), ၀့ၢ်ရိမ့ၤ ဆှၢလီၤက့ၤ ပဒိၣ်တဖၣ် လၢ အလီၢ်န့ၣ်လီၤႋ
ခႋနႋ ၄၉	ပှၤတၢ်မၢဖိ တဖၣ် အတၢ်အိၣ်ဖှိၣ် ဖးဒိၣ်လၢ ၀့ၢ်ယရူၤရှလ့ၣ် (မၤတၢ် ၁၅း၁-၂၉), တၢ်တၢထီၣ်တၢလီၤ အိၣ်ထီၣ်လၢ ၀့ၢ်ယရူၤရှလ့ၣ် ဒီး တၢ်မၤသံ မၤ၀ီ ဒိၣ်ဒိၣ် မုၢ်မုၢ် အိၣ်ထီၣ်၀ဲ (လၢကၠိစဲးဖၢး အတၢ်ကွဲးအပူၤ)
ခႋနႋ ၅၂	ပဒိၣ်ဖ့လံး (Felix) ကဲထီၣ် ပဒိၣ်ဒီး ပၢ တၢ်တုၤ ခႋနႋ ၅၉
ခႋနႋ ၅၄	ရိမ့ၤ စီၤပၤဖးဒိၣ် နံရိၤ စးထီၣ် ပၢတၢ်
ခႋနႋ ၅၇ - ၅၉	စီၤပီလူး ဒီး စီၤလူၤကၣ် လဲၤဟးလၢ ၀့ၢ်ယရူၤရှလ့ၣ် (မၤတၢ် ၂၁). စီၤပီလူး ဘၣ် တၢ်ဖီၣ်အီၤ ဒီး ဘၣ်တၢ်ဖၢနုာ်အီၤလၢ ကဲၤစၤရံ အဃိၣ်ပူၤ န့ၣ်လီၤႋ စီၤဖ့စတူး (Festus) ဟဲတုၤဒ် ပဒိၣ်တဂၤအသိး န့ၣ်လီၤႋ (ခႋနႋ ၅၉ - ၆၁).
ခႋနႋ ၆၂	လၢပှၤလုၢ်တၢ်ဒိၣ် စီၤအနၤနံ အတၢ်တီခိၣ်ရိာ်မဲအဖီလာ် စီၤယၤကိာ် (ကစၢ်ခရံာ် အဒီပုၢ်၀ဲၢ်) ဘၣ်တၢ်မၤသံ အီၤန့ၣ်လီၤႋ
ခႋနႋ ၆၄	ရိမ့ၤ အ၀့ၢ်အူအီၣ်, စီၤပၤနံရိၤ စးထီၣ်မၤအၢ မၤနး ပှၤခရံာ်ဖိ တဖၣ် မ့ၢ်လၢ အစံး၀ဲလၢ ပှၤခရံာ်ဖိတဖၣ် ဒွဲၣ်အူအီၣ် ၀့ၢ်အဃိ န့ၣ်လီၤႋ
ခႋနႋ ၆၆	ပှၤယူဒၤဖိ ပူထီၣ် ပှၤရိမ့ၤဖိ ဒိၣ်ဒိၣ်မုၢ်မုၢ် လၢကဲၤစၤရံ အပူၤန့ၣ်လီၤႋ ပှၤခရံာ်ဖိ လၢအအိၣ်လၢ ယရူၤရှလ့ၣ်တဖၣ် ဃ့ၢ်ပူၤဖျဲး အသးဆူ တၢ်လီၢ်အဂၤ (ဘၣ်သ့ၣ်သ့ၣ် ဆူ၀့ၢ်ဖဲလၤ) န့ၣ်လီၤႋ
ခႋနႋ ၆၇-၇၀	ရိမ့ၤသုးဖိတဖၣ် မၤန့ၢ် ၀့ၢ်ယရူၤရှလ့ၣ် လၢသုးခိၣ်ကျၢၢ် ဘဲးဖၤစ့ (Vespasian) အတၢ်တီခိၣ်ရိာ်မဲ အဖီလာ် န့ၣ်လီၤႋ
ခႋနႋ ၇၀	သုးခိၣ်ကျၢၢ် ဘဲးဖၤစ့ အဖိခွါ, ထါထၢးစ်, မၤဟးဂီၤကွံာ် ယရူၤရှလ့ၣ် တၢ်လုၢ်ဟံၣ် လၢ လါအီကၢး အပူၤ (ဒီးလၢ လါစဲးပထ့ဘၢၣ် အပူၤန့ၣ် အ၀ဲဒွဲၣ် ကွံာ် ၀့ၢ်ထးခီ တကပၤ န့ၣ်လီၤ).
ခႋနႋ ၇၄	မၤစၤဒၤ လီၤပှီၢ်ကွံာ်၀ဲန့ၣ်လီၤႋ