လံာ်စီဆှံအဆၢဖိတဖၣ် လၢအတဲဘၣ်ဃး မုၢ်ခီၣ်ထံးနံၤ

၁. ကစၢ်ခရံာ်ဂဲၤထၢၣ်သမူထီၣ် က့ၤလၢမုၢ်ခီၣ်ထံးနံၤ (မးသဲ ၂၈း၁-၇, မၢ်ကူး ၁၆း၂ ဒီး ၉, လူၤကၣ် ၂၄း၁, ယိၤဟၣ် ၂၀း၁).

၂. ကစၢ်ခရံာ် အိၣ်ဖျါထီၣ်လၢ အပျဲၢ်အဘီၣ် တဖၣ်အမဲာ်ညါ လၢမုၢ်ခီၣ်ထံး နံၤ (ယိၤဟၣ် ၂၀း၁၉).

၃. ကစၢ်ခရံာ် လီၣ်ဖျါထီၣ်အသးလၢ အပျဲၢ်အဘီၣ် ၁၁ ဂၤအမဲာ်ညါ လၢဒၢးပူၤ လၢမုၢ်ခီၣ်ထံးကတၢၢ်တနံၤ. ပှၤယူဒၤဖိ အတၢ်ထိၣ်တၢ်ဒွးမုၢ်နံၤမုၢ်သီ စံး၀ဲလၢ မ့ၢ်မုၢ်ခီၣ်ထံး နံၤ န့ၣ်လီၤ. (ယိၤဟၣ် ၂၀း၂၆).

၄. သးစီဆှံဟဲလီၤ လၢဘူၣ်ယဲၢ်ဆံ အမုၢ်နံၤ ဖဲ မုၢ်ခီၣ်ထံးနံၤ န့ၣ်လီၤ (၃ မိၤရှ့ ၂၃း၁၆, မၤတၢ် ၂း၁).

၅. တၢ်စံၣ်တဲၤတဲလီၤ အခီၣ်ထံးကတၢၢ်တယုၢ် လၢဘၣ်တၢ် စံၣ်တဲၤတဲလီၤအီၤလၢ စီၤပ့းတရူး န့ၢ်မ့ၢ်၀ဲဖဲ မုၢ်ခီၣ်ထံးနံၤ န့ၣ်လီၤ (မၤတၢ် ၂း၁၄).

၆. ပှၤအဂၤသၢကထိ ကဲထီၣ်က့ၤ ပှၤစူၢ်က့ၤနာ်က့ၤခရံာ်ဖဲ မုၢ်ခီၣ်ထံးနံၤ န့ၣ်လီၤ (မၤတၢ် ၂း၄၁).

၇. ပှၤသၢကထိ န့ၣ်ဘၣ်တၢ်ဒိးဘျၢအီၤထံဖဲ မုၢ်ခီၣ်ထံးနံၤ န့ၣ်လီၤ (မၤတၢ် ၂း၄၁).

၈. ပှၤခရံာ်ဖိတဖၣ် ထံၣ်လိာ်သးဒီး စိၢ်ဘျဲးကိၣ် ဖဲ မုၢ်ခီၣ်ထံးနံၤ ကိးနွံဒဲးန့ၣ်လီၤ.

၉. ပှၤခရံာ်ဖိတဖၣ် ဒိကနၣ် စီၤပီလူး အတၢ်စံၣ်တဲၤတဲလီၤလၢ မုၢ်ခီၣ်ထံးနံၤန့ၣ်လီၤ (မၤတၢ် ၂၀း၇).

၁၀. စီၤပီလူး မၤလိာ် တၢ်အိၣ်ဖှိၣ်တဖၣ်လၢ ကပာ်လီၤဆီ တၢ်မၤဘူၣ်လၢ မုၢ်ခီၣ်ထံးနံၤ န့ၣ်လီၤ (၁ ကရံၣ်သူး ၁၆း၂).

၁၁. ကစၢ်ခရံာ်ဟ့ၣ် စီၤယိၤဟၣ် တၢ်ထံၣ်လၢညါခီလၢ မုၢ်ခီၣ်ထံးနံၤန့ၣ်လီၤ (တၢ်လီၣ်ဖျါ ၁း၁၀).