မၤသီထီၣ်က့ၤနသး

မၤသးဒ်န့ၣ်ဒီး ဒ်သိးသုတၢ်ဒဲးဘး ကဘၣ်တၢ်တြူၥ်ကွံၥ်, ဒီးဒ်သိး တၢ်အခုၣ်တၢ်အမုၥ် လၢကစၢ်အမဲၥ်ညါအကတီၢ်ကဘၣ်, ဒီးဒ်သိး တၢ်ကမၢလီၤ ယ့ၣ်ရှူးခရံၥ်လၢ အဘၣ်တၢ်စံၣ်တဲၤတဲလီၤ ပၥ်လၢသုဒီး, သ့ၣ်နီၣ်ပီၢ်ယၢ်လီၤက့ၤသုသး, ဒီးဃၣ်လိၤက့ၤသုသးတက့ၢ်. (မၤတၢ် ၃း၁၉-၂၀).

ကစၢ်ယွၤဒုးနဲၣ်ဖျါထီၣ်အတၢ်အိၣ်ဒီးပှၤ လၢကျဲတဘျုးဘိအပူၤလီၤ. အါစုအါဘျီန့ၣ် ပတထံၣ်အီၤဘၣ်, ဘၣ်ဆၣ်, ဒ်ကလံၤအသိး, ပထံၣ်အတၢ်ဖံးတၢ်မၤလၢ အမၤလၢပပူၤ သ့ဝဲလီၤ. ယမ့ၢ်လီၤဘှံးလီၤတီၤ, သးဘၣ်တံာ်တာ်, မ့တမ့ၢ် သးတမုာ်လၢတၢ်တမံၤမံၤအဖီခိၣ်, ဝံၤယသးဟဲသီထီၣ်က့ၤ ဖဲယရ့လိာ်သးဒီး ကစၢ်ယွၤ ဝံၤအဃိန့ၣ်, ယသ့ၣ်ညါသ့လၢ သးစီဆှံအကလံၤန့ၣ် အူဝဲဒၣ်လၢယလိၤ လီၤ. ကစၢ်ယွၤအဲၣ်ဒိးဟဲစိာ် တၢ်မၤသီထီၣ်က့ၤ တၢ် လၢနတၢ်အိၣ်မူအပူၤလီၤ. တဘၣ်ကိၢ်ဂီၤတၢ်လၢ နသးသမူအဂီၢ်တဂ့ၤ, မ့ၢ်လၢတၢ်စံးဆၢန့ၣ် အိၣ်ဆိးလၢ နပူၤ အဃိလီၤ. နတၢ်မၤမ့ၢ်အါတလၢ တုၤလၢနရ့လိာ်သးဒီးကစၢ်ယွၤ မ့ၢ်တချုးဘၣ်န့ၣ်, ဒုးအိၣ်ထီၣ် တၢ်ဆၢကတီၢ် လၢ နကရ့ဒီးယွၤ လၢတနံၤဘၣ်တနံၤ အတၢ်မၤအကျါန့ၣ်တက့ၢ်. တဘၣ်မၤလီၤဘှံးနသးအါတလၢ, တဘၣ်မၤသးအုး နသးအါတလၢတဂ့ၤ, မ့ၢ်လၢ တၢ်ဆၢကတီၢ်လၢ တၢ်မၤသီထီၣ်က့ၤနသး အိၣ်လၢနဂီၢ်အဃိလီၤ.

 
မၤလိဟးသဒၣ် တၢ်အိၣ်မူအတၢ်မၤအါ, ဒီး ဟံးန့ၢ်တၢ်ဆၢကတီၢ်ဒီးယွၤ ဒ်ယ့ၣ်ရှူး မၤတ့ၢ်ဝဲအသိး တက့ၢ်. တလိၣ် နအိၣ်ခိးပှၤဂၤ ကတဲနၤ လၢနဘၣ်အိၣ်ဘှံးအဆၢကတီၢ်ဖဲလဲၣ် ဒ်သိး နကရ့လိာ်နသးဒီး ကစၢ်ယွၤအဂီၢ်တဂ့ၤ. ပှၤ ကအိၣ်ဝဲတဂၤဂၤ လၢကဃုန့ၢ်နၤ တၢ်တမံၤ လၢအဝဲဒၣ်ဆိကမိၣ်လၢ နကဘၣ်မၤဝဲ န့ၣ်ထီဘိလီၤ. ဖဲနမံပၢၢ်ထီၣ် လၢဂီၤခီန့ၣ်, မ့ၢ်သ့န့ၣ် ဟံးန့ၢ်တၢ်ဆၢကတီၢ် လၢနီၢ်သးအဂီၢ် လၢဒီတနံၤညါ အဂီၢ်တက့ၢ်.

 
ပာ်ပတုာ်တၢ်လၢ နမၤအီၤ လၢ ခံ သၢမံးနံး အတီၢ်ပူၤ, ကသါနုာ်လီၤဖးဒိၣ်, တၢ်ကသါလၢ ကမၤသီထီၣ်က့ၤနၤ, ဒီး တဲကစၢ်ယွၤယိယိဖိလၢ နအဲၣ်အီၤထဲလဲၣ် ဒီး နလိၣ်ဘၣ်အီၤထဲလဲၣ်န့ၣ်တက့ၢ်. မံးနံး လၢအိၣ်တ့ၢ်တဖၣ် အိၣ်ဘှီၣ် ကလာ်လၢကစၢ်ယွၤအမဲာ်ညါ, ဒီး နသးကသီထီၣ်က့ၤလၢ ကျဲလၢအလီၤကမၢကမၣ်အပူၤလီၤ.