မ့ၢ်နဘၣ်ဃးဒီးတၢ်ဖံးတၢ်ညၣ်ဒံးဧါ. (၁ ကရံၣ်သူး ၃း၁-၄)

 

တၢ်ကတိၤလၢညါ

၁. စီၤပီလူးသိၣ်လိပှၤခရံာ်ဖိလၢအအိၣ်လၢကရံၣ်သူးတဖၣ်အပူၤန့ၣ် တမ့ၢ်တၢ်ညီကဒၣ်ဘၣ်...

က. ဖဲစီၤပီလူးအိၣ်ဒီးအဝဲသ့ၣ်အခါ, အဝဲဒၣ်ကတိၤတၢ်ဒီးအဝဲသ့ၣ်ဒ် ပှၤဘၣ်ဃးဒီးနီၢ်သးတဖၣ် အသိးတသ့ဘၣ် - ၁ ကရံၣ်သူး ၃း၁-၂

ခ. ဖဲစီၤပီလူးကွဲးလံာ်ဆူအဝဲသ့ၣ်အအိၣ်န့ၣ်, အဝဲသ့ၣ်မ့ၢ်ဒံးဒၣ်ပှၤဘၣ်ဃးဒီး တၢ်ဖံးတၢ်ညၣ် ဒံးလီၤ - ၁ ကရံၣ်သူး ၃း၃-၄

-- တၢ်ဆၢကတီၢ်မ့ၢ်လဲၤယံာ်ထီၣ်အသးဒၣ်လဲာ်, အဝဲသ့ၣ်မ့ၢ်ဒံးဒၣ် “ဖိဆံးလၢခရံာ်အပူၤအသိး” န့ၣ်လီၤ.

၂. တၢ်အဒိအတဲာ်ဘၣ်ဃးပှၤကရံၣ်သူးတဖၣ်အံၤန့ၣ် ကြၢးတၤတၢ်ဒီးပတၢ်ဆိကမိၣ်လီၤ.

က. နကဲထီၣ်ပှၤခရံာ်ဖိန့ၢ်ဖးယံာ်လံ

ခ. ဘၣ်ဆၣ် တၢ်န့ၣ်အခီပညီတမ့ၢ်လၢ နဒိၣ်တူာ်ခိၣ်ပှဲၤလၢနီၢ်သးလံ န့ၣ်ဘၣ်.

-- တၢ်ဆၢကတီၢ်မ့ၢ်လဲၤယံာ်ထီၣ်အသးဘၣ်ဆၣ်, “မ့ၢ်နဘၣ်ဃးဒီးတၢ်ဖံးတၢ်ညၣ်ဒံးဧါ.”

၁. တၢ်ဘၣ်ဃးဒီးတၢ်ဖံးတၢ်ညၣ်မ့ၢ်မနုၤလဲၣ်

က. တၢ်ကတိၤ “တၢ်ဖံးတၢ်ညၣ်”

၁. ဟဲအသးလၢ ကြံး (ဟ့းလ့ၣ်) အတၢ်ကတိၤ sarkikos (လီၤဂာ်တၢ်ညၣ်, တၢ်ဖံးတၢ်ညၣ်)

၂. “အိၣ်ဒီးတၢ်ညၣ်အန့ဆၢၣ်, လၢအမ့ၢ်ဝဲ အိၣ်လၢ ဆၣ်ဖိကီၢ်ဖိ အတၢ်မိၣ်န့ၢ်သးလီအတၢ်ပၢ တၢ်ဆှၢဖီလာ်” – Thayer

ခ. သ့ၣ်ညါအတၢ်လီၤဆီဒီး “န့ဆၢၣ်” ဒီး “နီၢ်သး”

၁. ပှၤလၢအဘၣ်ဃးဒီးန့ဆၢၣ် (psuchikos) “ဘၣ်ထွဲဒီး ပှၤလၢတၢ်မၤဂ့ၤထီၣ်အီၤတန့ၢ်, ဒီး ပှၤလၢအအိၣ်လၢ တၢ်ဆိကမိၣ်ဆိကမး ဒီး ဆၣ်ဖိကီၢ်ဖိအန့ဆၢၣ်အတၢ်ပၢတၢ်ဆှၢအဖီလာ်, ဒီးလၢအတဘၣ်ဃးဒီး ပှၤခရံာ်ဖိနီတစဲး ဘၣ်” – Barnes, ၁ ကရံၣ်သူး ၂း၁၄

၂. ပှၤလၢအဘၣ်ဃးဒီးတၢ်ဖံးတၢ်ညၣ် (sarkikos) “ဘၣ်ထွဲဒီးပှၤခရံာ်ဖိဖဲအံၤတဖၣ်, ဘၣ်ဆၣ် အဝဲသ့ၣ်အိၣ်ဒံးဒီး တၢ်ဖံးတၢ်မၤကဘျံးကဘျၣ်, ဒီးပှၤလၢ အသးစဲဒံးဒီး တၢ်ဘူၣ်တၢ်ဘါ အန့ဆၢၣ် တဖၣ်ဒံးလီၤ, မ့ၢ်ဖိဆံးလၢခရံာ် အပူၤတဖၣ်လီၤ. – Barnes, ၁ ကရံၣ်သူး ၃း၁-၄

၃. ပှၤလၢအဘၣ်ဃးဒီးနီၢ်သး (pneumatikos) “မ့ၢ်ပှၤလၢသးစီဆှံဆှၢအီၤ (ခီဖျိသးအနး လၢ  အမ့ၢ်ယွၤအကလုၢ် ကထါ), မ့ၢ်ပှၤလၢအသ့နၢ်ပၢၢ် နီၢ်သးအတၢ်မ့ၢ်တၢ်တီတဖၣ် ဒီး ဒုးအိၣ်ထီၣ် သး အတၤသၣ်တဖၣ်လၢအတၢ်အိၣ်မူ အပူၤ, မ့ၢ်ခရံာ်ဖိလၢအဒိၣ်တူာ်ခိၣ်ပှဲၤတဖၣ်လီၤ” –

၁ ကရံၣ်သူး ၂း၁၅, ကလၤတံ ၅း၂၂-၂၃, ၆း၁

(ဒ်ခရံာ်ဖိတဖၣ်အသိး, ပတမ့ၢ်လၢၤ “ပှၤလၢအဘၣ်ဃးဒီးန့ဆၢၣ်”လၢၤဘၣ်. ပမ့တမ့ၢ်ဒံး “ပှၤဘၣ်ဃးဒီးနီၢ်သး” ဒၣ်လဲာ် ပမ့ၢ်ဒံး “ပှၤဘၣ်ဃးဒီးတၢ်ဖံးတၢ်ညၣ်” တဖၣ်လီၤ. ဒ်သိးကစံးဆၢတၢ်သံကွၢ် “မ့ၢ်နဘၣ်ဃးဒီး တၢ်ဖံး တၢ်ညၣ်ဒံးဧါ” န့ၣ်, မ်ပကကွၢ်သကိး တၢ်ဂ့ၢ်ဒ်လာ်အံၤအသိး တက့ၢ်.)

၂. တၢ်ဘၣ်ဃးဒီးတၢ်ဖံးတၢ်ညၣ်န့ၣ်မၤအသးဒ်လဲၣ်.

က. လၢပှၤကရံၣ်သူးဖိတဖၣ်အတၢ်အိၣ်မူအပူၤန့ၣ်

၁. အဝဲသ့ၣ်ဒိးန့ၢ် တၢ်အီၣ်လၢအကိၤတသ့ဒံးဘၣ် - ၁ ကရံၣ်သူး ၃း၁-၂

က. စီၤပီလူးဘၣ်ဒုးအီၣ်အဝဲသ့ၣ်လၢတၢ်နုၢ်ထံဒံးလီၤ

ခ. အဝဲသ့ၣ်လီၤဂာ်ဒံးဒၣ်ဒီး ပှၤဧ့ၤဘြံၤခရံာ်ဖိတဖၣ်ဒံးလီၤ - ဧ့ၤဘြံၤ ၅း၁၁-၁၄

၂. အဝဲသ့ၣ်အတၢ်သူၣ်က့ၣ်သးကါ, တၢ်အ့ၣ်လိာ်ဆိးက့, ဒီးတၢ်လီၤမုၢ်လီၤဖးတဖၣ် -

၁ ကရံၣ်သူး ၃း၃-၄

က. အဝဲသ့ၣ်အတၢ်လီၤမုၢ်လီၤဖးတဖၣ်ပတဲဖျါထီၣ်တ့ၢ်အီၤဝံၤလံ -

၁ ကရံၣ်သူး ၁း၁၀-၁၃

ခ. အခဲအံၤတၢ်လီၤမုၢ်လီၤဖးမ့ၢ်အိၣ်ထီၣ်လၢ တၢ်အိၣ်ဖှိၣ်အပူၤန့ၣ်, နီၢ်သးအတၢ်အိၣ် သး ကမ့ၢ်တၢ်ဒ်လဲၣ်.

ခ. တၢ်ဘၣ်ဃးဒီးတၢ်ဖံးတၢ်ညၣ် အတၢ်ဖံးတၢ်မၤအပူၤ

၁. တၢ်တဂ့ၤတဝါအတၢ်ဒဲးဘးတဖၣ် - တၢ်မၤကမၣ်မုၣ်ကမၣ်ခွါ, တၢ်အဲၣ်တလ့ၤအဲၣ်တဘီ, တၢ်သးကတၢ - ကလၤတံ ၅း၁၉

၂. တၢ်ဘူၣ်တၢ်ဘါအကမၣ်အတၢ်ဒဲးဘးတဖၣ် - တၢ်ဘါတၢ်ဂီၤ, တၢ်ဟိၣ်တၢ်ယီ -

ကလၤတံ ၅း၂၀ (က)

၃. တၢ်ဒဲးဘးတဖၣ်လၢအထီဒါဒီးတၢ်အဲၣ်တၢ်ကွံ - တၢ်ထီဒုၣ်ထီဒါ, တၢ်အ့ၣ်လိာ်ဆိးက့လိာ်, တၢ်ခိးထဲသိးလိာ် အသး, တၢ်သူၣ်ဒိၣ်သးဟ့, တၢ်ဂ့ၢ်လိာ်ဘှီလိာ်, တၢ်လီၤမုၢ်လီၤဖး, တၢ်အစု တလီၤဃုာ်ဘၣ်, တၢ်သးကါ, တၢ်မၤသံ ပှၤကညီ, တၢ်အီမူၤသံး, တၢ်မၤပွဲဧိၤဝီဧိၤ -

ကလၤတံ ၅း၂၀ (ခ)-၂၁

(တၢ်တဂ့ၤတဝါလၢထးတဖၣ် ပမ့ၢ်တမၤအီၤဒၣ်လဲာ်, ပမ့ၢ်ဟံးန့ၢ် တၢ်အီၣ်လၢအကိၤတသ့ ဒံးဘၣ်, မ့တမ့ၢ် ပမ့ၢ်အိၣ် ဒံးဒီးတၢ်သးကါတၢ်, တၢ်အ့ၣ်လိာ်ဆိးက့န့ၣ်, ပမ့ၢ်ဒံးဒၣ် ပှၤဘၣ်ဃးဒီး တၢ်ဖံးတၢ်ညၣ်ဒံးလီၤ. မ့မ့ၢ်ဒ်န့ၣ် တခီ, ပမၤမနုၤကသ့လဲၣ်...)

၃. တၢ်မၤနၢၤ တၢ်ဖံးတၢ်ညၣ်

က. ဒ် စီၤယၤကိာ် ဟ့ၣ်ကူၣ်ဟ့ၣ်ဖးအသိး

၁. ညိကွံာ်ကယဲၢ်တၢ်ဘၣ်အၢဘၣ်သီ, ဒီးတၢ်အၢတၢ်သီအတၢ်လုၣ်ကိလုၣ်ကပာ်ခဲလၢာ် - ယၤကိာ် ၁း၂၁ (က)

၂. ဒိးန့ၢ်တၢ်ကလုၢ်သူၣ်လီၤအသး, လၢအအုၣ်က့ၤခီၣ်က့ၤသုသးသ့န့ၣ်လၢတၢ်သူၣ်စူၤသးစူၤ - ယၤကိာ် ၁း၂၁ (ခ)

၃. ကဲထီၣ်ပှၤမၤတၢ်အကလုၢ်, ကဲထီၣ်ထဲပှၢ်နၢ်ဟူတၢ်ဧိၤန့ၣ်တဂ့ၤ - ယၤကိာ် ၁း၂၂

ခ. ဒ် စီၤပ့းတရူး ဟ့ၣ်ကူၣ်ဟ့ၣ်ဖးအသိး

၁. ပာ်ကွံာ်ကယဲၢ်တၢ်အၢတၢ်သီ, ဒီးကယဲၢ်တၢ်လွဲတၢ်လဲး, ဒီးတၢ်လီတၢ်ဝ့ၤ, ဒီးတၢ်သူၣ်ကါ သးကါ, ဒီးကယဲၢ် တၢ်စံးအၢစံးသီတဖၣ် - ၁ ပ့းတရူး ၂း၁

၂. ဆၢဒိးန့ၢ်ယွၤကလုၢ်ကထါအတၢ်နုၢ်ထံ, ဒ်ဖိဆံးအိၣ်ဖျဲၣ်သီအသိး - ၁ ပ့းတရူး ၂း၂

ဂ. ဒ် စီၤပီလူးဟ့ၣ်ကူၣ်ဟ့ၣ်ဖးအသိး

၁. ဃုန့ၢ်တၢ်အိၣ်လၢထး - ကလီးစဲ ၃း၁-၂

၂. ဘ့ၣ်လီၤကွံာ် ပှၤလီၢ်လံၤ ဒီးအတၢ်မၤတဖၣ်, ခီဖျိ မၤသံသုဂီၤတဖၣ်လၢဟီၣ်ခိၣ်ချၢ -

ကလီးစဲ ၃း၅-၉

၃. ကူထီၣ်သိးထီၣ်က့ၤပှၤသီ ခီဖျိ တၢ်လီၤဂာ်ဒီးခရံာ် - ကလီးစဲ ၃း၁၀-၁၄

၄. ပျဲခရံာ်အတၢ်ဃူတၢ်ဖိး, ဒီး တၢ်စံးထီၣ်ပတြၢၤတၢ်အဘျုးအဖှိၣ် ပၢနသး - ကလီးစဲ ၃း၁၅

၅. ပျဲခရံာ်အကလုၢ်အကထါ အိၣ်ဆိးဝဲလၢသုပူၤထူးထူးတီၤတီၤ ခီဖျိ တၢ်သးဝံၣ် -

ကလီးစဲ ၃း၁၆

၆. မၤတၢ်ခဲလၢာ်လၢကစၢ်ယ့ၣ်ရှူးအမံၤ - ကလီးစဲ ၃း၁၇

၇. လဲၤတၢ်လၢသးအပူၤ, ဒီးပျဲသးစီဆှံဆှၢနၤ - ကလၤတံ ၆း၁၆-၂၆

တၢ်ကတိၤလၢခံ

၁. ပှၤလၢအလဲၤတၢ်လၢသးအပူၤတဖၣ် ...

က. တဆၢအမံၤဟူသၣ်ဖျါကလီကလီ, တမၤသးထီၣ်လိာ်အသး, ဒီးတသးကါလိာ်အသးဘၣ် - ကလၤတံ ၅း၂၅-၂၆

ခ. အဝဲသ့ၣ်တမၤဘၣ်ဃးအသးဒီးတၢ်ဖံးတၢ်ညၣ်ဘၣ်. ၁ ကရံၣ်သူး ၃း၃

၂. ပှၤလၢအဒုးအိၣ်ထီၣ် သးအတၤသၣ်တဖၣ် ...

က. ဖဲအကတိၤတၢ်ဒီးပှၤဂၤအခါ ကဒုးနဲၣ်ဖျါထီၣ် တၢ်သူၣ်ဂ့ၤသးဝါ

ခ. အဝဲသ့ၣ်မ့ၢ် ပှၤဘၣ်ဃးဒီးနီၢ်သးနီၢ်နီၢ် - ကလၤတံ ၆း၁

(စီၤပီလူးမ့ၢ်ကွဲးလံာ်လၢပအိၣ်တနံၤအံၤန့ၣ်, မ့ၢ်အကစံးဒံးဝဲ နဘၣ်ဃးဒီးတၢ်ဖံးတၢ်ညၣ်ဒံးဧါ. မ် ပှၤကရံၣ်သူးဖိ တဖၣ် အဒိအတဲာ်အံၤ ကထိၣ်ဟူးထိၣ်ဂဲၤပှၤ ဒ်သိး ပကကဲထီၣ် ပှၤလၢအဘၣ်ဃးဒီးနီၢ်သးအါထီၣ်, ဒီး ဒိၣ်တူာ် ခိၣ်ပှဲၤလၢ တၢ်မၤကစၢ်ယွၤအတၢ်မၤအပူၤန့ၣ်တက့ၢ်.)

ဟံးန့ၢ် PDF ဖဲအံၤတက့ၢ်.