ပမ့ၢ်ယွၤအပှၤမၤသကိးတၢ် (၁ ကရံၣ်သူး ၃း၅-၁၅)

တၢ်ကတိၤလၢညါ

၁. လၢကရံၣ်သူးအတၢ်အိၣ်ဖှိၣ်အပူၤ, ပှၤတနီၤနီၤ ထံၣ်ဝဲ ပှၤစံၣ်တဲၤတဲလီၤတၢ်တဖၣ် တလိၤတဃီၤဘၣ် အဃိ...

က. ကဲထီၣ် တၢ်လီၤမုၢ်လီၤဖး - ၁ ကရံၣ်သူး ၁း၁၀-၁၃

ခ. ဒုးနဲၣ်ဖျါထီၣ် သးလၢအဘၣ်ဃးဒီး တၢ်ဖံးတၢ်ညၣ် - ၁ ကရံၣ်သူး ၃း၃-၄

၂. စီၤပီလူး ကွဲးလံာ်အံၤ မ့ၢ်ဒ်သိး ကမၤဘၣ်ဂီၢ်က့ၤ တၢ်ထံၣ်လၢအတလိၤတဃီၤတဖၣ် ...

က. အဝဲသ့ၣ်မ့ၢ်ဒၣ် တၢ်ခ့တၢ်ပှၤ ယိယိဖိတဖၣ် - ၁ ကရံၣ်သူး ၃း၅

ခ. နကဘၣ်ထံၣ်အဝဲသ့ၣ် ဒ်အမ့ၢ်တၢ်အသိး - ၁ ကရံၣ်သူး ၄း၁

(ဒ်တၢ်ကထံၣ် ပှၤစံၣ်တဲၤတဲလီၤတၢ် ဒ်အမ့ၢ်တၢ်အသိးအဂီၢ်, စီၤပီလူး စံးဝဲလၢ ပှၤလၢ အစံၣ်တဲၤတဲလီၤ တၢ်သးခုကစီၣ် တဖၣ်မ့ၢ် “ယွၤအပှၤမၤသကိးတၢ်တဖၣ်” (၁ ကရံၣ်သူး ၃း၉). လၢပလံာ်စီဆှံအံၤအပူၤ, ပကမၤလိ ဘၣ်ဃး ကစၢ်ယွၤအတၢ်ဖံးတၢ်မၤလၢ...)

၁. ကစၢ်ယွၤဟ့ၣ်လီၤ တၢ်ခွဲးတၢ်ယာ်

က. ကစၢ်ယွၤအိးထီၣ် တြဲၤ လၢကကတဲာ်ကတီၤပှၤမၤတၢ်ဖိတဖၣ်အဂီၢ်

၁. ကစၢ်ယွၤဟ့ၣ်လီၤ တၢ်ခွဲးတၢ်ယာ်လၢ ပှၤလၢအမၤအတၢ်မၤ - ၁ ကရံၣ်သူး ၃း၅

၂. ကစၢ်ယွၤအိးထီၣ်တၢ်ခွဲးတၢ်ယာ်အတြဲၤလၢ အတၢ်ဖံးတၢ်မၤအဂီၢ် - ၁ ကရံၣ်သူး ၁၆း၉

၃. လီၤဆီဒၣ်တၢ် ပှၤလၢအပာ်ဖျါထီၣ် အသးလၢ အအိၣ်ကတဲာ်ကတီၤအသးလံအဂီၢ် - လီၣ်ဖျါ ၃း၈

၄. တဘျီတခီၣ်ဖဲပတသူအီၤဒၣ်လဲာ်အခါ - ၂ ကရံၣ်သူး ၂း၁၂-၁၃

၅. ပမူဒါတၢ်ဖံးတၢ်မၤ မ့ၢ်တဒ်သိးလိာ်အသးဘၣ်ဆၣ် (တနီၤသူၣ်လီၤတၢ်, တနီၤလူတၢ်ဖိထံ) - ၁ ကရံၣ်သူး ၃း၆ (က)

-- မ်ပကအိၣ်ကတဲာ်ကတီၤပသးဒ်သိး ပကမ့ၢ်ပှၤလၢကစၢ်ယွၤသူအီၤသ့ အဂီၢ်တက့ၢ်. –

၂ တံၤမသ့း ၂း၂၀-၂၁

ခ. သးလၢအဃုတၢ် ကထံၣ်န့ၢ် တၢ်တီတၢ်လိၤ

၁. ပှၤလၢအသးတီဒီးယွၤန့ၣ် ယွၤကဟ့ၣ်ဆူၣ်ထီၣ်အဂံၢ်အဘါလီၤ. - ၂ ကွဲးနီၣ်တၢ် ၁၆း၉

၂. ပှၤလၢအသၣ်ဝံၤအသးဒီးတၢ်သူအသးလၢထံတဖၣ် ကဘၣ်တၢ်မၤပှဲၤအီၤလီၤ. - မးသဲ ၅း၆

၃. ပှၤလၢအဃုတၢ်ကထံၣ်န့ၢ်တၢ်လီၤ. - မးသဲ ၇း၇-၁၁

(ကစၢ်ယွၤအတၢ်ဟ့ၣ်တဖၣ် အိၣ်ပာ်စၢၤလၢပဂီၢ်လံ. မ်ပကဘါထုကဖၣ် ဒ်ပသးဝံၣ်တၢ်တဘျီတခီၣ်အသိး, “ယွၤဧၢ, ဆှၢယၤဆူ သးတနီၤအအိၣ်တနံၤအံၤတက့ၢ်.” ဒ်ပမၤသကိးတၢ်ဒီး ကစၢ်ယွၤအတၢ်ဟ့ၣ်တဖၣ် အသိး, ပသူၣ်မံသးမုာ်ခီဖျိ ပသ့ၣ်ညါလၢ...)

၂. ကစၢ်ယွၤဟ့ၣ်လီၤတၢ်အါထီၣ်

က. တၢ်စိတၢ်ကမီၤအိၣ်လၢ တၢ်ချံအပူၤ

၁. ပှၤလၢအဟ့ၣ်လီၤတၢ်အါထီၣ်မ့ၢ်ကစၢ်ယွၤ - ၁ ကရံၣ်သူး ၃း၆-၇

၂. အတၢ်ကတိၤအိၣ်ဒီးအစိအကမီၤ, ဒီးကမၤလၢပှဲၤအတၢ်တိာ်တဖၣ်ခဲလၢာ် -

ယရှါယၤ ၅၅း၁၀-၁၁, ဧ့ၤဘြံၤ ၄း၁၂

၃. လီၤဆီဒၣ်တၢ် လၢအဘၣ်ဃးဒီး ခရံာ်အတၢ်သးခုကစီၣ်, ကစၢ်ယွၤအတၢ်စိတၢ်ကမီၤ လၢကအုၣ်က့ၤခီၣ်က့ၤပှၤ - ရိမ့ၤ ၁း၁၆-၁၇

၄. တၢ်အဆၢန့ၣ်ဒိးသန့ၤထီၣ်အသးလၢ ဟီၣ်ခိၣ်ညၣ်ထ့ၣ်လီၤ. - လူၤကၣ် ၈း၁၁-၁၅

-- ပကဘၣ်သ့ၣ်ညါလီၤတံၢ်လၢ တၢ်စုကဝဲၤလၢပသူအီၤန့ၣ် မ့ၢ်ကစၢ်ယွၤအကလုၢ်ကထါ လီၤ. ဧ့ၤဘြံၤ ၄း၁၂

ခ. ပှၤဖှံတၢ်ချံတဖၣ် အလီၢ်အကျဲ

            ၁. ပတမ့ၢ်တၢ်နီတမံၤဘၣ်. ပမ့ၢ်ဒၣ် ပှၤဖှံတၢ်ချံ ဒီး ပှၤလူထံတဖၣ်လီၤ. - ၁ ကရံၣ်သူး ၃း၆-၇

            ၂. ကစၢ်ယွၤသူ ပှၤဖှံတၢ်ချံလၢ အတလၢတပှဲၤတဖၣ် ဒၣ်လဲာ် - ဖံလံးပံၤ ၁း၁၅-၁၈

၃. ဒ်အသူတ့ၢ် စီၤမိၤရှ့ဒီး စီၤပီလူးအသိး - ၂ မိၤရှ့ ၄း၁၀-၁၂, ၁ ကရံၣ်သူး ၂း၃-၄,

၂ ကရံၣ်သူး ၁၀း၁၀

-- ပကဘၣ်ပတုာ်တဲဂ့ၢ်လိာ်တၢ်လၢ ပတမၤ တၢ်လၢပမၤအီၤသ့တဖၣ် အဃိလီၤ.

မးသဲ ၂၅း၂၄-၃၀

(လီၢ်ခံကတၢၢ် လၢပလံာ်စီဆှံတဆၢအံၤအပူၤ (၁ ကရံၣ်သူး ၃း၅-၁၅) ပမၤလိန့ၢ်တၢ်လၢ ...)

၃. ကစၢ်ယွၤဟ့ၣ်လီၤ တၢ်ဘူးတၢ်လဲ

က. ဒ်ပတၢ်ဖံးတၢ်မၤအသိး ...

၁. ကစၢ်ယွၤကဟ့ၣ်လီၤနၤတၢ်ဘူးတၢ်လဲ ဒ်နမၤတၢ်အသိး - ၁ ကရံၣ်သူး ၃း၈

၂. ပဖှံလီၤတၢ်မ့ၢ်အါ, ပကကူးဘၣ်တၢ်အါအါ - ကလၤတံ ၆း၇

၃. ပှၤလၢပဆှၢအီၤဆူ ခရံာ်အအိၣ်တဖၣ် ကကဲထီၣ် တဂ့ၢ်လၢ အဟ့ၣ်ပှၤတၢ်သူၣ်ခုသးခုဖးဒိၣ် - ၁ သ့းစၤလနံ ၂း၁၉-၂၀, ၃ ယိၤဟၣ် ၃-၄

-- နီၢ်ဝံခံန့ၣ် မ့ၢ်ပကသူၣ်ထီၣ်တၢ်လၢ လၢၢ်ခၢၣ်သနၢၣ်အလိၤ: ကစၢ်ယ့ၣ်ရှူးခရံာ်. –

၁ကရံၣ်သူး ၃း၉-၁၁

ခ. ပတၢ်ဖံးတၢ်မၤမ့ၢ်ဟါမၢ်ဒၣ်လဲာ် ...

၁. တၢ်ပီးတၢ်လီ (သးသမူတဖၣ်) လၢပသူအီၤ အကံၢ်အစီလီၤဆီလိာ်သး - ၁ ကရံၣ်သူး ၃း၁၂

၂. ထဲဒၣ်တၢ်ဆၢကတီၢ် ဒီး တၢ်စံၣ်ညီၣ် ကဒုးနဲၣ်ဖျါထီၣ် ပှၤလၢပတုၤအိၣ်အီၤတဖၣ် အကံၢ်အစီ  အမ့ၢ်အတီ - ၁ ကရံၣ်သူး ၃း၁၃

၃. ပတၢ်ဖံးတၢ်မၤမ့ၢ်လဲၤအသးတုၤလၢအကတၢၢ်န့ၣ်, တၢ်ဘူးတၢ်လဲဖးဒိၣ် (တၢ်သူၣ်ခုသးခု) ကအိၣ်ဝဲ - ၁ ကရံၣ်သူး ၃း၁၄

၄. ပတၢ်ဖံးတၢ်မၤမ့ၢ်တကတၢၢ်ဒၣ်လဲာ်, ပကပူၤဖျဲးလီၤ. ၁ ကရံၣ်သး ၃း၁၅

-- ဒ်ဝံယံးရမံယၤအသိး, ပကမၤတၢ်လၢတဘျုးနံၣ်အတီၢ်ပူၤ ဘၣ်ဆၣ် အတၢ်စံးဆၢအိၣ်ဒၣ် ထဲတစဲးလီၤ. ဘၣ်ဆၣ်, ကစၢ်ယွၤသ့ၣ်ညါဝဲ ဒီး ကဟ့ၣ်ပှၤတၢ်ဘူးတၢ်လဲ ခီဖျိ ပမၤတၢ်အဃိ လီၤ. - ၁ ကရံၣ်သူး ၁၅း၅၈

တၢ်ကတိၤလၢခံ

၁. ဖဲကစၢ်ယ့ၣ်ရှူးခရံာ်အတၢ်ဖံးတၢ်မၤလၢဟီၣ်ခိၣ်အခါ, အဝဲဒၣ် အသူၣ်အိၣ်သးအိၣ်ဘၣ် သးသမူ လၢအဟါမၢ် တဖၣ် ...  

က. အဝဲအိၣ်ဒီးတၢ်သူၣ်ကညီၤသးကညီၤ - မးသဲ ၉း၃၅-၃၆

ခ. အဝဲကိးအပျဲၢ်အဘီၣ်တဖၣ်ဒ်သိးကဘါထုကဖၣ်လၢ ပှၤမၤတၢ်ဖိအဂီၢ် - မးသဲ ၉း၃၇-၃၈

ဂ. ဝံၤအလီၢ်ခံ အဝဲဆှၢအပျဲၢ်အဘီၣ်သကုၤကီၢ်အံၣ်စရ့လး - မးသဲ ၁၀း၁, ၅-၇

ဃ. လီၢ်ခံ, အဝဲဆှၢ အပျဲၢ်အဘီၣ်တဖၣ်ဆူဟီၣ်ခိၣ်ဒီဘ့ၣ်ညါ - မးသဲ ၂၈း၁၉-၂၀,

မၢ်ကူး ၁၆း၁၅-၁၆

၂. ပဝဲဒၣ်တဖၣ် ဒ်ပမ့ၢ်အပျဲၢ်အဘီၣ် အခဲအံၤတဖၣ်အသိး ...

က. မ့ၢ်ပအိၣ်ဒီး တၢ်သးကညီၤ သးသမူလၢအလီၤမၢ်တဖၣ်ဧါ.

ခ. မ့ၢ်ပဘါထုကဖၣ်ဆူကစၢ်ယွၤအအိၣ်လၢ ကဆှၢလီၤ ပှၤမၤတၢ်ဖိလၢ ကကူးဘုအဂီၢ်ဧါ.

ဂ. ဒ်ပမၤသ့အသိး, မ့ၢ်ပလဲၤလၢပကစၢ်ဧါ, မ့ၢ်ပဆှၢလီၤတၢ်မၤစၢၤဧါ. - ရိမ့ၤ ၁၀း၁၃-၁၅

ကစၢ်ယွၤမၤဒံးတၢ် အခဲအံၤ ဒ်သိး ကအုၣ်က့ၤခီၣ်က့ၤ သးသမူလၢအလီၤမၢ်တဖၣ်လီၤ. ကစၢ်ယွၤ ကဟ့ၣ်လီၤ တၢ်ခွဲးတၢ်ယာ်, တၢ်အါထီၣ်, ဒီး တၢ်ဘူးတၢ်လဲ တဖၣ်လီၤ. တနံၤအံၤ မ့ၢ် ပတူၢ်လိာ် လၢ ပကကဲထီၣ်, “ယွၤ အပှၤမၤသကိးတၢ်” တဖၣ်ဧါ. 

ဟံးန့ၢ် PDF ဖဲအံၤတက့ၢ်.