တၢ်မၤအီၣ်ညၣ်တၢ်မၤလိ (၂)

အဂ့ၢ်ဒ်အံၤ, အဝဲဒၣ်ဒီး ပှၤအိၣ်ဒီးအီၤခဲလၢာ်န့ၣ် ကမၢကမၣ်လၢ အမၤန့ၢ်ညၣ်ဂီၢ်မုၢ် အဃိလီၤ. (လူၤကၣ် - ၅း၉).

တၢ်မၤလိ (၂) - ကစၢ်ယွၤအသးစဲလၢ နတၢ်ကဲထီၣ်လိၣ်ထီၣ်အပူၤလီၤ. စီၤပ့းတရူး သ့ၣ်ညါဝဲလၢ ယ့ၣ်ရှူးမ့ၢ် သရၣ်အဒိၣ်ကတၢၢ်တဂၤ တုၤဒၣ်လဲာ်လၢ မၤဘျါက့ၤပှၤဆါ သ့ဝဲလီၤ. သနာ်က့, တၢ်လၢ စီၤပ့းတရူး ကမၤလိ ဝဲလၢယ့ၣ်ရှူးအအိၣ်န့ၣ် မ့ၢ်ဝဲ ယ့ၣ်ရှူးအဲၣ်ဒိး လၢ နကအိၣ်ဒီးတၢ်ကဲထီၣ်လိၣ်ထီၣ်လၢ နတၢ်အိၣ်မူအပူၤလီၤ. ဘၣ်တဘၣ် စီၤပ့းတရူး အိၣ်ဒီး သွ့လၢ အဂ့ၤကတၢၢ်တဖၣ်, အိၣ်ဒီး အကဘီလၢအဂ့ၤတဘ့ၣ်, ဒီးသ့ၣ်ညါ တၢ်လီၢ်လၢ ကဘၣ်ဖီၣ်ညၣ် လၢအဂ့ၤတဖၣ်အဂီၢ်လီၤ.

 
သနာ်က့, တုၤအဖီၣ်ညၣ်ဒီတနၤကျၢၤ ဘၣ်ဆၣ် တမၤန့ၢ်ညၣ် နီတဘ့ၣ်ဘၣ် အခါ, စီၤပ့းတရူး မၤတၢ်အဂ့ၤ ကတၢၢ်လၢ အတၢ်အိၣ်မူအပူၤတခါ, လၢအမ့ၢ် အဝဲပျဲယ့ၣ်ရှူး ကမၤသကိးတၢ်ဒီးအီၤ လၢအမုၢ်ကျိၤဝဲၤကွာ် အပူၤလီၤ.
မ့ၢ်နသ့ၣ်ညါလၢ ကစၢ်ယွၤ အဲၣ်ဒိးလၢ နကအိၣ်ဒီး တၢ်ကဲထီၣ်လိၣ်ထီၣ်ဧါ. မ့ၢ်နအဲၣ်ဒိး နဖိတဖၣ် ကဲထီၣ်လိၣ်ထီၣ် ဧါ. ကစၢ်ယွၤစ့ၢ်ကီးအဲၣ်ဒိးဝဲဒ်န့ၣ်အသိးလီၤ.

 
ဘၣ်ဆၣ် တၢ်သံကွၢ်န့ၣ်မ့ၢ်ဝဲ, မ့ၢ်နကွဲမုာ် ကစၢ်ယွၤလၢ ကမၤသကိးတၢ်ဒီးနၤဧါ. မ့ၢ်နမုၢ်ကျိၤဝဲၤကွာ် အိၣ်ကတီၤသး လၢယွၤအဂီၢ် လၢကသူဝဲ တဘျီဂ့ၤတဘျီဂ့ၤဧါ. မ့ၢ်ကစၢ်ယွၤသူနၤလၢ အတၢ်ဖံးတၢ်မၤအဂီၢ်သ့ဧါ.

 
ပဝဲဒၣ်တဖၣ်ညီနုၢ် ပမၤလီၤဖး တၢ်လၢအဘၣ်ဃးဒီး နီၢ်ခိ ဒီး တၢ်လၢအဘၣ်ဃးဒီးနီၢ်သး, ဒီး ခရံာ်ဖိအတၢ်အိၣ်မူ န့ၣ် ပထုးယံၤအီၤ လၢ ပတၢ်ဖံးတၢ်မၤအပူၤ လီၤ. ဘၣ်ဆၣ်, တၢ်အဝဲအံၤ တြီဆၢ ကစၢ်ယွၤ အတၢ်ဆိၣ်ဂ့ၤဆိၣ်ဝါ လၢ ပတၢ်ဖံးတၢ်မၤအပူၤလီၤ. ဖဲနသ့ၣ်ညါတၢ်အံၤအခါ, နမ့ၢ်အိၣ်ဒီးတၢ်ကူၣ်သ့န့ၣ်, နကစးထီၣ်မၤကဒါက့ၤ ဒ် လံာ်စီဆှံအတၢ်သိၣ်လိနဲၣ်လိ အသိးလီၤ.

 
ဖဲအံၤ, ပကထံၣ်ဘၣ် ကစၢ်ယွၤအတၢ်ကဲထီၣ်လိၣ်ထီၣ် အတၢ်သိၣ်လိနဲၣ်လိ လၢနမုၢ်ကျိၤဝဲၤကွာ်အဂီၢ်, မ့တမ့ၢ် နတၢ်ဖံးတၢ်မၤအဂီၢ် န့ၣ်မ့ၢ်ဝဲ - “လံာ်တၢ်သိၣ်တၢ်သီအံၤ တဘၣ်ဟးထီၣ်ကွံာ်လၢ နထးခိၣ်ဘၣ်, မ့မ့ၢ် နဘၣ် ဆိကမိၣ်လၢ အပူၤလၢ မုၢ်ဆါဒီးလၢမုၢ်နၤ, ဒ်သိး နကပလီၢ်နသး, ဒီးမၤတၢ်ဒ် ကယဲၢ်တၢ်ကွဲးအသးလၢအပူၤလီၤ. အဂ့ၢ်ဒ်အံၤ, တုၤနုၤတစု နကဒုးဘီၣ်ထီၣ်ညီထီၣ်နကျဲ, ဒီးနကမၤဒီး တၢ်ကူၣ်သ့လီၤ” (ယိၤရှူ - ၁း၈). ကစၢ်ယွၤ လၢအမ့ၢ် ဟီၣ်ခိၣ်ဒီဖျၢၣ် ပှၤအခိၣ်ဒိၣ်ကတၢၢ်တဂၤ စံးဝဲ, “ပှၤပှ့ၤက့ၤနၤ, အံၣ်စရ့လးအတၢ်စီဆှံယွၤစံးဒ်အံၤ, ယဲဒၣ်အံၤ, ယမ့ၢ်ယွၤ, နကစၢ်လၢ အသိၣ်လိနၤဒ်သိး နကဘၣ်ဘျုးဘၣ်ဖှိၣ်, ဒီးယဒုးလဲၤနၤလၢ ကျဲလၢနဂ့ၤလဲၤ န့ၣ်လီၤ” (ယရှါယၤ ၄၈း၁၇). တနံၤအံၤ ဟံးန့ၢ် တၢ်အၢၣ်လီၤအီလီၤအံၤန့ၣ်တက့ၢ်.