ဖဲနဆိးက့အခါနဘၣ်ဘါထုကဖၣ်ဒ်လဲၣ်

ပှၤလၢသုကျါမ့ၢ်အဘၣ်တၢ်ဆါ တဂၤဂၤဧါ. (ယၤကိာ် - ၅း၁၄).

လံာ်စီဆှံစံးဝဲ, “ပှၤလၢသုကျါ မ့ၢ်အဘၣ် တၢ်ဆါတဂၤဂၤဧါ. မ်အကိးတၢ်အိၣ်ဖှိၣ်အသးပှၢ် တဖၣ် တက့ၢ်. ဒီးမ် အဝဲသ့ၣ်ဖှူအလိၤလၢသိ လၢကစၢ်အမံၤဒီး ဘါထုကဖၣ်တၢ်လၢ အဂီၢ်တက့ၢ်. ဒီးတၢ်စူၢ်တၢ်နာ် အတၢ်ထုကဖၣ် န့ၣ်, ကအုၣ်က့ၤခီၣ်က့ၤပှၤဆါ, ဒီးကစၢ်ကဒုးဂဲၤဆၢထၢၣ်အီၤ, ဒီး အတၢ်ဒဲးဘးလၢ အမၤတ့ၢ်လံမ့ၢ်အိၣ်ဒီး, တၢ်ကပျၢ်ကွံာ် အီၤလီၤ” (ယၤကိာ် - ၅း၁၄-၁၅). အဃိ, သးဒ့ဒီတဂ့ၤ. ဖဲပဆိးက့အခါ, လံာ်စီဆှံတဲပှၤလၢ ပကဘၣ်ကိး တၢ်အိၣ်ဖှိၣ်သးပှၢ်တဖၣ် လၢကဖှူပှၤလၢသိ ဒီး ဘါထုကဖၣ်လၢပဂီၢ်, ဒီးနာ်လၢ ကစၢ်ယွၤ ကမၤဘျါက့ၤပှၤန့ၣ်လီၤ.

 
ဖဲတၢ်ဆိးက့ဆါဘီ အဆၢကတီၢ်, လံာ်စီဆှံတဲစ့ၢ်ကီးပှၤလၢ ပကဘၣ်ဘါထုကဖၣ် န့ၢ်လိာ်သးသကိးသကိး လီၤ. ကစၢ်ယ့ၣ်ရှူးခရံာ်စံးဝဲ, “ဒီးပှၤလၢ အစူၢ်က့ၤနာ်က့ၤတၢ် တဖၣ်န့ၣ်, တၢ်ပနီၣ်တဖၣ် ကမၤအသးလၢအီၤဒ်အံၤ, … လၢယမံၤ... ကပာ်ထီၣ်အစုလၢ ပှၤဆူးပှၤဆါတဖၣ်အလိၤ, ဒီးကဘျါက့ၤဝဲလီၤ” (မၢ်ကူး ၁၆း၁၇-၁၈).

 
တနံၤအံၤ နမ့ဆိးက့န့ၣ် ဘါထုကဖၣ်ဒ်အံၤ, “ယွၤဧၢ, ကသံၣ်သရၣ်မ့ၢ်တဲလၢ ယတၢ်ဆါအံၤ အတၢ်မုၢ်လၢ် မ့ၢ်တအိၣ်လၢၤ ဘၣ်ဆၣ်, နကလုၢ်ကထါတဖၣ် အိၣ်ဝဲလၢ ယတၢ်အိၣ်မူအဂီၢ်လီၤ. နကလုၢ်ကထါစံးဝဲ, နထံၣ်ယၤ တချုးယအိၣ် ဖျဲၣ်ထီၣ်ဒံးဒၣ်လဲာ်လီၤ. တနံၤဘၣ်တနံၤယတၢ်အိၣ်မူ အိၣ်ကွဲးလီၤအသးလၢ နလံာ်အပူၤလီၤ. (စံး ၁၃၉း၁၆). မၤစၢၤယၤ ဒ်သိးယကဘှီက့ၤယတၢ်အိၣ်မူ ဒီး ဒ်သိးယတၢ်အိၣ်မူ ကလီၤဆီထီၣ်က့ၤ အဂီၢ်တက့ၢ်. ဝံၢ်ဆၢထၢၣ် ယၤ ဒ်ပှၤအုၣ်အသး လၢ နတၢ်မၤဘျါအစိကမီၤ အဂီၢ်တက့ၢ်. နမ့ၢ် ကစၢ်ယွၤလၢ အဆီတလဲ တသ့ဘၣ် တဂၤ, မဟါကၢာ်, တနံၤအံၤ, ဒီး လီၤစိၤလီၤထီလီၤ (ဧ့ၤဘြံၤ ၁၃း၈). အခဲအံၤ ယဟံးန့ၢ် တၢ်စိတၢ်ကမီၤ လၢ ယက့ၢ်ယဂီၤ ဒီတဂၤညါ အဖီခိၣ်, ဒီးယဃ့လၢ လၢယ့ၣ်ရှူးအမံၤအပူၤအဃိ မ်ယက့ၢ်ယဂီၢ် ကလၢကပှဲၤထီၣ် တက့ၢ်. ယဃ့ လၢ ယသုတသံတချုး တၢ်ဆၢကတီၢ်ဘၣ်ဒံးဘၣ်န့ၣ်တဂ့ၤ, ဒီးယကအိၣ်မူဒံး ဒီးအုၣ်ယသးလၢ တၢ်လၢ နမၤလၢ ယဂီၢ်တဖၣ်န့ၣ်လီၤ. (ကွၢ် စံး ၁၁၈း၁၇). လၢတၢ်နာ်အပူၤ ယဆၢထၢၣ်လၢ နကလုၢ်ကထါအလိၤ ဒီးစံး, ယဘျါက့ၤ လၢနဘၣ်တီၢ်အဃိလီၤ. (ယရှါယၤ ၅၃း၅).”